أول تعليق من أحمد عاطف بعد أزمته مع المنتخب في كأس العرب

كشف أحمد عاطف لاعب فريق زد ومنتخب مصر الثاني، كواليس استبعاده من معسكر الفريق الوطني المُشارك في بطولة كأس العرب.

وأكد عاطف على أنه لم يكن يعلم بقرار عدم ضمه، مشيرًا إلى أنه لم يكن مصابًا كما تردد.

وودع منتخب مصر الثاني بطولة كأس العرب من دور المجموعات بعد التعادل مع الكويت والإمارات والخسارة أمام الأردن.

أحمد عاطف: كان نفسي أمثل بلدي في بطولة زي دي

نشر أحمد عاطف مهاجم زد ومنتخب مصر الثاني عبر حسابه على فيس بوك 'وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ'.

وأضاف 'كان نفسي أبقى موجود مع زمايلي في المنتخب وأساعدهم بأكبر شكل أقدر عليه، وكان نفسي أمثل بلدي في بطولة زي دي، لكن قدر الله وما شاء فعل'.

وتابع 'كام نقطة عايز أوضحها بس علشان مش عارف أرد ع مسدچ أو تليفون وبعتذر لأي حد معرفتش أرد عليه'.

وواصل حديثه ' أنا مكنتش أعرف إني هسافر وأبقى مش موجود، أنا الحمدلله سليم ومش مصاب'.

واستمر 'معملتش تصريح بأي حاجة غير إني مش مصاب، وكل كلام اتقال زيادة ملوش علاقة بيا، ومكنتش حابب أتكلم علشان مكنتش عايز أسبب لزمايلي أي حاجة ويكونوا مركزين في البطولة'.

وأشار 'الحمدلله أنا راضي بقضاء ربنا وأكيد كل حاجة ربنا بيعملها بتكون خير ليا، الموضوع اتقفل بالنسبة لي تمامًا'.

وأتم رسالته 'أتمنى التوفيق للمنظومة كلها، وبإذن الله المنتخب يعوض ونكسب أمم إفريقيا والشعب يفرح لأن الشعب يستاهل دا، ويفضل اسم مصر فوق أي حد'.