«مينفعش يقعد احتياطي».. حازم إمام يتغنى بـ أشرف بن شرقي: «مفيش منه كتير في مصر»

أشاد حازم إمام، نجم الزمالك السابق، باللاعب المغربي أشرف بن شرقي، جناح الفريق الأول لكرة القدم بالنادي الأهلي، وذلك بعد الأداء الذي ظهر عليه في مباراة فاركو.

وقال حازم إمام، في تصريحات تلفزيونية عبر فضائية «أون سبورتس 2»: «أشرف بن شرقي، مينفعش يقعد احتياطي، الدوري المصري مفيهوش لعيبة حريفة كتير، ده لعيب حريف».

وأضاف: «أشرف بن شرقي، يختلف عن لاعبي الدوري المصري، بيعرف يعدي واحد على واحد، الأهلي لازم يحافظ على بن شرقي، جدًا لأنه بيلاعب فرق بتعتمد على الدفاع مثل مودرن سبورت».

وتابع: «الأهلي معندوش حد بيعرف يعدي، إزاي متلعبش بن شرقي، حتى لو مبيدافعش إنت مش بتلعب في كأس العالم للأندية! في مباراة مودرن الفرقة كلها واقفة ورا، إنت عايز تدافع ليه!».