علي معلول يوجّه رسالة مؤثرة لـ جمهور الأهلي .. ماذا قال؟

وجّه الدولي التونسي علي معلول، لاعب الفريق الأول لكرة القدم بالنادي الأهلي، رسالة لجماهير الفريق، بعد الدعم الذي تلقاه منهم منذ إصابته.

وقال معلول في تصريحات عبر برنامج حارس الأهلي على قناة الأهلي: “علاقة الحب بيني وبين جمهور الاهلي من أول يوم في عام 2016، وكنت متابع كل حاجة، أنا كنت مطلب رئيسي لجمهور الاهلي، وبينا حب متبادل، ومع إصابتي شوفت الناس واقفة معايا بجد، وعايز أشكرهم وانتم على رأسي من فوق، وان شاء الله أكون عند حسن ظنكم، وإن شاء الله تشوفوا علي معلول في صورة ممتازة”.

وتابع: “الإصابة قدرية في نهائي إفريقيا، وقبل الماتش كنت حاسس إن ممكن اتعور، ولكن كنت لازم ألعب عشان الفرقة، وقرّرت أعمل العملية في مصر، والكابتن محمود الخطيب عرض عليه أن أسافر أي حتة، لكن عندي ثقة كبيرة في الجهاز الطبي، وقررت الخضوع للجراحة والتأهيل هنا، وأشكر الدكتور أحمد جاب الله، علشان تعب معايا في خلال 8 شهور، والدكتور محمد النجار المختص بالتأهيل”.

واختتم: “الناس دي تعبت معايا طوال 8 شهور، وماخدناش يوم إجازة، علشان كنت عايز أرجع الملعب، ومنذ 6 أسابيع وأنا موجود في التمرين”.