محمد التاجي: يوسف الشريف مشتغلش من وقت تصريحاته عن عدم التلامس

تحدث الفنان محمد التاجي عن تقديم المشاهد الجريئة في الأعمال موضحا أنه قام بهذا الأمر مضطرا في فيلم 'ديل السمكة' ولم يكررها، مشيرا إلى أن الفنان يوسف الشريف لم يقدم أعمالا جديدة منذ أن أعلن رفضه للتلامس.

وخلال لقائه في برنامج 'بنظرة تانية' عبر قناة الشمس' قال محمد التاجي: 'أجبرت أعمل في فيلم 'ديل السمكة' كان مشهد جريء، أنا اتعلمت من وقت ما دخلت الوسط الفني أن لو عندي حاجة اتناقش فيها قبل ما أبدأ العمل بمجرد ما بدأت المخرج هو سيد العمل لما يطلب حاجة بتعملها، عملت المشهد ورجعت البيت قلت لمراتي متاخدش البنات وتروح الفيلم يتفرجوا، ومن ستر ربنا أن الرقابة شالت كتير من الفيلم'.

وتابع محمد التاجي متحدثا عن يوسف الشريف: 'يوسف الشريف من بعد التصريحات عن عدم التلامس مشتغلش حاجة بقاله كام سنة معملش حاجة، مع أن دي قناعاته وتحترم'.

وعن انتقاد بعض الفنانين لكل من يعلن رفضه تقديم مشاهد محددة قال محمد التاجي: 'سمعت فنانين بيقولوا لو مش عايز يعمل كده يعتزل أنت مالك اعتزل ولا معتزلش أنا أعمل قناعاتي وأنت أعمل قناعاتك وكلنا هنتقابل عند الديان الأكبر'.

وأكمل محمد التاجي: 'رفضت فيلم 'عمارة يعقوبيان' لنفس السبب عشان مشهد فيه علاقة حميمية بيني وبين البطلة رفضت وقلت أنا عندي بنات محبش يشوفوني في المشهد دا'.