شوبير يهاجم مدرب حراس مرمى الأهلي السابق

شن الإعلامي المصري أحمد شوبير، حارس مرمى الأهلي ومنتخب مصر السابق، هجومًا حادًا على طارق سليمان، المدرب السابق للأهلي والحالي للمقاولون العرب.

وانتقد سليمان في تصريحات تلفزيونية أداء مصطفى شوبير في مباراة الفريق أمام مودرن سبورت، وتوقعه عودة محمد الشناوي لحراسة مرمى الأهلي أمام فاركو.

وقال شوبير: 'إيه الحملة اللي على الأهلي دي! في إيه! واحد طالع يتكلم عن الشناوي وشوبير ومين هيلعب الماتش الجاي، دي مش شغلتك، لو عايز تتوقع توقع، لكن مش شغلتك تقول مين هيلعب'، منتقدًا تدخل سليمان في اختيارات الجهاز الفني'.

وعبر قناة الأهلي، أضاف شوبير: 'يقعد يحلل الكورة ولما طلعت ولما نزلت ولما وقفت ولما طالت! في إيه! ما إنت كنت مدرب وفي مصايب بتحصل، مش معقول يا جماعة، أمر عجيب جدًا'.

وتابع: 'الناس اللي بتتكلم مالهاش علاقة بالنادي الأهلي، هتيجي كمان تدي نصيحة للنادي الأهلي! إحنا مستغنيين عن نصائحك ومستغنيين عن توجيهاتك وعن محبتك'.