'المعدن الصحيح ما يعدمش

حجر الواد ما يهزوش التيار

المبادئ الثابتة لا يحركها لا طمع لا سيدي الزكري

'الأستاذة، الأخت، الصديقة، المثال Sana Ben Achour هي من طينة الناس الي تمثل هذم الكل وطول مسيرتها كانت متواجدة في الجهة الصحيحة متع التاريخ وذلك بحكم تشبثها بفكرها وبحكمتها وخاصة خاصة بمبادئها …

'تتصورو يا ناس انو فمة الي ما تتسماش لخرة كانت مخبية راسها المدة لخرة الكل عملت هك وما لقات ما تعمل وما لقات على شكون تتهكم خرجت تتهكم على سناء بن عاشور …

'الله يرحم والديه لطفي العبدلي كي هاك العام كي عمللها طرح وقلها تي برة فيق على روحك ولا تمثلين شيء … (للتاريخ سناء خرجت دافعت عليها وقتها من باب مبادئها التي لا تتجزأ، ونعرف الي الجملة هذي بالذات ماهيش باش تعجبها، سناء، ايضا لتشبثها بمبادئها التي لا تتجزأ)

'يا جبل ما يهزك ريح …

القافلة تمر والكلاب تنبح …

Ne t’en fais pas chère Sana l’américain dit « goes around turns around »

'الله غالب ما اطيحنا بلي يحبو يوليو شرفة قبل ما يموتو كبار الحومة …

كل التضامن مع العزيزة سناء بن عاشور …

****و للتذكير: عقدت جبهة الخلاص ظهر يوم السبت 7 فيفري الجاري بقاعة الريو ندوة فكريّة حواريّة حول

'تونس والديمقراطية بين الانتقال والانتكاس… رؤى متقاطعة'.

و قدمت الندوة بما يلي:

'في لحظة تونسيّة تتراجع فيها الضمانات الديمقراطية وتتصاعد الشعبوية، تنظّم جبهة الخلاص الوطني ندوة فكرية–حوارية حول واقع الديمقراطية في تونس.

بمشاركة:

الأستاذة سناء بن عاشور

الأستاذ حمادي الرديسي

الأستاذ المولدي القسّومي

ادارة الندوة: الأستاذ سمير ديلو'.