أعلن المطرب حمادة هلال منذ قليل عن طرح أغنيته الجديدة « حصل» عبر موقع الفيديوهات يوتيوب، ومختلف المنصات الموسيقية.

وكتب « حمادة هلال»، عبر حسابه الرسمي بموقع تبادل الصور والفيديوهات «إنستجرام»: «الأغنية كاملة دلوقتي على قناتي الرسمية، حصل.. حمادة هلال».

أغنية حصل لـ حمادة هلال، من كلمات حازم اكس، ألحان أورتيجا، ميكس وماستر محمد علام وبيشو، إخراج أشرف رمضان.

وظهر حمادة هلال خلال الكليب بـ 4 وجوه لشخصيات مختلفة، وهم القبطان، ورجل الأعمال، والمهراجا، والمجذوب، ولاقى ذلك إعجاب الجمهور كثيرا.

وتقول كلمات أغنية حصل:

«دخلتك حياتي

فهمتك خدتك على الهادي

كان عندي اكتفاء بذاتي

وعشانك غيرت ده

ليه بتقل بأصلك

ولا عشان الحظ رقص لك ده أنا جيت على نفسي وفضلتك قولي ليه بتعمل كده

مش كنت مميزك

حصل

وفي قلبي مبروزك

بالدهب بوزنك

وأتاريك عيرة

أنا كنت مدلعك

وفي خيري مغرقك

لما تقع بلحقك

أنا كنت العكاز

كنت هجيلك في الإنجاز

وأديك سبتني باستفزاز

طب عرفني يرضي مين

أعقل بقى واتلم

هارشك وبقيت حافظك صم

كل يومين تطلع لي بفيلم شكلك بتحب التمثيل

مش كنت مروقك

ساندك ومفوقك

والحلو مدوقك

ساقيني المر ليه

أنا كنت مفخمك

تقدير وبقدرك

ده مفيش غيري عبرك

اعملك تاني إيه

هدنة من النفسنة والغيرة وعدم الجدعنة

أتعالج من داء الأنا بعديها ابقى تعالى كلمني

لسه بتعمل جدع وأنت معايا في وقت الدلع

بس شايفني في غم ووجع وعامل إنك مخاصمني

مش كنت بكلمك

تغلط وبعلمك

خد بس هفهمك

أنت طلعت لمين

أنا كنت مفرفشك

في العز معيشك

ظابط ومريشك

وأنت متسواش مليم».

كانت أغنية «الليلة الليلة»، آخر أعماله الغنائية، وتم تقديمها خلال أحداث الجزء الرابع من مسلسل «المداح»، الذي عرض في السباق الرمضاني الماضي 2024.

ودارت أحداث مسلسل المداح 4، حول البحث في الإعجاز العلمي للقرآن الكريم، ويحاول الشيخ صابر المداح الذي لعب دوره الفنان «حمادة هلال»، التخلص من الجن الأكبر، بعدما تمكن من حرق قبيلة هند بنت الأحمر في نهاية الجزء الثالث الذي عرض في موسم رمضان 2023.

مسلسل المداح 4، بطولة الفنان حمادة هلال، إلى جانب عدد من النجوم أبرزهم، هبة مجدي وفتحي عبد الوهاب ودياب وسهر الصايغ، حنان سليمان، دنيا عبد العزيز، محمد العمروسي، وأخرين من النجوم.

والعمل من تأليف أمين جمال وإخراج أحمد سمير فرج.