أعلنت الشركة الفرنسية المسؤولة عن تشغيل الخط الثالث للمترو آر إيه تي بي ديف للنقل كايرو، عن إجراء ترتيبات خاصة لتسهل حركة الدخول والخروج بالتزامن مع  مباراتي الأهلي والجونة غدا، والزمالك وحرس الحدود المقررة بعد غدا الخميس.

وقالت الشركة في بيان :' يوم ١٥ يناير الساعة ٧:٠٠ مساءً الأهلي هيواجه الجونة، ويوم ١٦ يناير الساعة ٤:٠٠ مساءً الزمالك هيواجه حرس الحدود، وكلها في استاد القاهرة ضمن مباريات الدوري المصري، بنفكركم إن محطاتنا - وخصوصًا محطة الاستاد - جاهزة تستقبلكم بترتيبات خاصة تسهل الحركة والدخول والخروج من المباراة' 

وأضافت: “ هيتوفر قطار كل ٤ دقائق ونصف قبل وبعد كل مباراة من محطة الكيت كات إلى عدلي منصور عشان يوصلكم في أسرع وقت” .

وتابعت :“ اللي جاي من محطة جامعة القاهرة أو محطة محور روض الفرج لمحطة الكيت كات، الوقت بين كل قطار والتاني هيكون ٩ دقائق”.