زاد الاردن الاخباري -

روى الفنان أحمد السقا موقفًا طريفًا جمعه بالفنانة شريهان خلال سنوات الدراسة.

وأوضح أنها كانت زميلته في المدرسة في الفترة التي كانت تشارك خلالها في عرض مسرحية «سك على بناتك» مع الفنان فؤاد المهندس.

وجاء حديث السقا خلال لقائه مع المخرج معتز التوني في بودكاست «فضفضت أوي»، حيث قال: «شريهان كانت معايا في المدرسة، بس مش حابب أقول أنا كنت في سنة كام وهي في سنة كام، لأن في الوقت ده كانت بتقدم مسرحية (سك على بناتك) على مسرح الزمالك، وإحنا كنا لسه صغيرين».

وتابع أحمد السقا حديثه قائلًا: «اليوم اللي كانت بتيجي فيه المدرسة، كانت بتقف شرطة مدرسية، فأروح فاكك الكرافتة عشان نفسي تطلعني من الطابور.. دي شريهان بقى، وكانت وقتها المسرحية بقالها تلات مواسم بتتعرض».

وأضاف السقا: «يا سلام لما كانت تيجي تمشي وتشدني من دراعي وتوقفني على الحيطة، يا خبر أبيض، أبقى أسعد واحد في الدنيا، وبعد ما الطابور يخلص أبقى أتعس واحد في الدنيا، لأن في الآخر كان فيه عقاب».