ميرنا جميل ترد على انتقادات مشهد "الولادة" في مسلسل "الكينج": إحنا بنهزر

ردت الفنانة ميرنا جميل على الانتقادات التي وجهت لمسلسل 'الكينج' بسبب مشهد الولادة الذي جمعها مع الفنان محمد إمام.

وقالت ميرنا جميل خلال لقائها في برنامج 'نجوم رمضان أقربلك' مع إنجي علي عبر إذاعة وقناة 'نجوم FM': 'في حاجات كتير في المسلسل مش بس مشهد الولادة معمولة إحنا مأفورين فيها شوية لأنه مسلسل في رمضان وقصة صعود تاجر سلاح وفي حاجات تانية كتير إحنا عملناها بشكل كوميدي واتقال كام إفيه بتاع 'عاجبك منظري' والناس حبته بس شفت دكتورة كاتبة أن دا طب وعلم أخدوا الموضوع في حته عميقة'.

وتابعت ميرنا جميل: 'ومفيش حاجة إحنا داخلين نهزر وعلاقة 'حمزة' و'هدية' بيقولها 'هديكي كشاف في وشك' أكيد مش هيضربها بس هي دي علاقتهم أخدوا الموضوع جد وهو مفيش حاجة بجد إحنا بنهزر، وفي كام جملة اتقالوا كانوا حلوين محمد إمام عمل مشهد مع الممرضة وهي بتقوله لازم تدخل وتشوف مراتك وهي بتتعب في الولادة مشافوش الحلو، ولما ولدت باس إيدها ما تشوفوا الحلو طيب'.

وفي المشهد تكون 'هدية' ميرنا جميل في غرفة الولادة مع زوجها 'حمزة' محمد إمام الذي يقول لها: 'عاجبك منظري، والرجالة بتعمل فيكي كده'، وهو ما اعتبره البعض إهانة للمرأة ومهنة الطب.

ومسلسل 'الكينج' بطولة: محمد إمام، وحنان مطاوع، ومصطفى خاطر، وميرنا جميل، وعمرو عبد الجليل، وسامي مغاوري، وكمال أبو رية، وحجاج عبد العظيم، وانتصار، وعماد رشاد، وبسنت شوقي، ولبنى ونس، وأحمد فهيم، وأحمد كشك، وياسر الزنكلوني، ومحمد خميس، ومصطفى البنا، تأليف محمد صلاح العزب، وإخراج شيرين عادل.

بيتر ميمي يرد على كابتن إيلا بعد تعليقها على مسلسل 'صحاب الأرض'