في أجواء عائلية دافئة ومليئة بالمشاعر، احتفل الفنان المصري شريف منير بعقد قران ابنته الإعلامية والممثلة أسما شريف منير، حيث لم تخلُ المناسبة من لحظات إنسانية مؤثرة، كان أبرزها الكلمة التي وجهها منير إلى زوج ابنته، والتي حملت الكثير من الحب والوصايا الأبوية الصادقة.

وقال شريف منير في كلمته خلال الحفل: 'أهم حاجة إنك تحتويها، لأن أسما تعبت وكافحت في حياتها، ووقفت جنبي كتير. هي تعتبر أم ليّا، وهي اللي بتوجهني، مش طالب منك حاجة غير إنك تحتويها، علشان أنا في يوم من الأيام همشي، وعاوز أبقى مطمئن عليها'.

من جانبها، أعلنت أسما شريف منير زواجها عبر حسابها على 'إنستغرام'، وكتبت منشورًا مطولًا عبرت فيه عن رحلة طويلة من التغيير والنضج الذاتي، أوصلتها إلى هذه الخطوة المهمة في حياتها.

فقالت أسما:'أنا الحمد لله اتجوزت، وده قرار جه بعد فترة طويلة من رحلة عشتها مع نفسي.. من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها، فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم'.

وأضافت: 'قعدت فترة كبيرة جداً بدعي ربنا يعوضني خير ويجازيني على صبري، علشان كنت بحاول بكل طاقتي أحافظ على نفسي وما أغضبش ربنا. وكنت دايمًا بقول: يا رب اختار لي ولا تخيرني'.

وزوج أسما هو أحمد شامل عزمي، فنان راقص ومصمم حركات معاصرة، وعضو في فرقة 'معت' للفنون المعاصرة، ما أثار اهتمام الجمهور لكونه من خارج الوسط الفني التقليدي.