طمأنت الفنانة المصرية ملك أحمد زاهر جمهورها بشأن حالتها الصحية، بعد الأزمة المفاجئة التي تعرضت لها مؤخرًا، مؤكدة تحسنها واستقرار وضعها.

وقالت ملك في رسالة نشرتها عبر خاصية 'ستوري' بحسابها على 'إنستغرام': 'أنا والله ما كنت متوقعة كل اللي حاصل ده، لما قررت أشارك حالتي الصحية كنت مرعوبة، خصوصًا إن لا أنا ولا الدكاترة كنا عارفين إيه اللي عندي، فكنت محتاجة أوضح إن حياتي فيها الحلو وفيها الوحش، لكن ما كانش الهدف إنكم تقلقوا عليا' .

وأضافت: ‘أنا عندي يقين في ربنا إنه هايقومني بالسلامة، واللي كتبته وقتها نابع من خضتي، لأن دي مش طبيعتي، مش بكتب عن الحاجات السلبية'.

وتابعت: 'الحمد لله أنا دلوقتي أحسن، ومبطلت أروح المستشفى، صحيح اللي عندي حاجة مخيفة وخضتنا، بس الحمد لله إنها جت على قد كده، وأهم حاجة إننا عرفنا السبب، وهي حساسية شديدة في الدم'.

واختتمت ملك حديثها برسالة شكر لجمهورها ومحبيها: 'أنا بخف وبتحسن كل يوم، ومفيش حاجة خطيرة بإذن الله، آسفة لو كنت سببت قلق لأي حد، بس والله ما كانش ده الغرض، شكراً من قلبي على كل الحب والدعاء، عرفت غلاوتي عندكم وربنا ما يحرمني منكم'.

وعكة صحية غامضة تُدخل ملك أحمد زاهر المستشفى