زاد الاردن الاخباري -

يوسف الشريف يتحدث عن غيابه الفني وتفاصيل حياته مع أبنائه بعد الانفصال، كاشفًا ملامح مرحلة شخصية ومهنية مختلفة.

كشف الفنان يوسف الشريف عن أسباب غيابه عن الدراما، موضحًا أنه لم يجد العمل الذي يحقق من خلاله المعايير التي يلتزم بها أمام جمهوره، إلى جانب حديثه عن التحديات التي واجهها برفقة أولاده في بداية فترة الانفصال.

يوسف الشريف يكشف سبب غيابه عن الدراما

قال يوسف الشريف، خلال لقاء تلفزيوني: «الفترة اللي فاتت دي، يمكن كنت بحاول أعمل أعمال تانية، ومكنش عندي الفرصة إني أقدم اللي أنا عايز أعمله بالشكل المظبوط، من وجهة نظري، اللي أحس إني بحترم فيه الناس، وده العقد اللي أنا ماضيه مع الناس بشكل ضمني».

وأضاف: «دايمًا اللي بفكر فيه: ليه أشتغل؟ وإيه اللي هينفعني لو عملت العمل ده؟ والفترة اللي فاتت حاولت إن يبقى في الفرصة اللي فيها العمل المظبوط، ويتنفذ بالطريقة المظبوطة اللي أحضّره واشتغله بشكل صح».

تحدث الفنان عن التحديات التي واجهها مع أبنائه في بداية فترة انفصاله عن المؤلفة إنجي علاء، قائلًا: «أنا عايش مع أولادي عبد الله وعبد الرحمن، هما توأم متماثل وعندهم 16 سنة. في بداية التجربة كانت صعبة، وكنت بقول: هكمل إزاي؟ أنا بليد جدًا في كل حاجة».

وتابع: «لغاية إننا في أول أيام في التجربة دي كنا بندور على الغسالة في البيت. قعدنا وعملنا خطة، وكل التفاصيل كانت ملخبطة، ودلوقتي بعتمد عليهم وبيساعدوني في كل حاجة، وكمان بقوا بيساعدوني في شغلي».