زاد الاردن الاخباري -

نفى مغني المهرجانات الشعبية حمو بيكا ما تردد مؤخرًا حول اعتزاله الغناء، مؤكدًا أن ما يقدمه من فن هو 'رزق من الله'، وليس فيه ما يخالف الدين أو الأخلاق، وذلك ردًا على الانتقادات التي طالته، خصوصًا عقب وفاة زميله الفنان أحمد عامر.

وخلال بث مباشر عبر حسابه الرسمي على موقع 'فيسبوك'، علّق بيكا على الجدل قائلًا: 'إحنا مبنعملش حاجة غلط.. بنغني اللي بنحبه وبنشتغل بالحلال، في وقت ناس كتير بتعمل معاصي ومحدش بيحاسبها، إحنا لا بنضر حد ولا بنأذي حد، وربنا هو اللي هيحاسبنا'.

وعن أنباء الاعتزال التي اجتاحت منصات التواصل الاجتماعي، أوضح بيكا: 'أنا معرفش ليه الناس بتنشر أخبار كده، لما مسحت أغاني أحمد عامر فده كان احترامًا لوفاته، لكن ده مش معناه إني اعتزلت.. الموضوع كله مش حقيقي'.

وأكد نجم المهرجانات أن الغناء هو مصدر رزقه الأساسي، مضيفًا: 'إحنا بنفتح بيوت، وفي حوالي 25 فرد عايشين من ورا شغلنا، ولو وقفنا، يبقى ظلمنا نفسنا وظلمناهم.. إحنا بنتعب ومشينا طريق طويل مليان شقى، ومفيش حاجة جت بالساهل'.

وشدد على تمسكه بالفن الذي يقدمه، رغم الانتقادات، قائلاً: 'الغُنا ده حياتنا، مش بس شغل، إحنا بنعبر عن نفسنا وعن ناس كتير بطريقتنا.. ومش هبطل أغني'.

وختم بيكا حديثه بتأكيد احترامه للقيم الدينية والتزامه الشخصي، موضحًا أن توقفه المؤقت عن طرح الأعمال الجديدة كان بدافع إنساني لا أكثر، قائلًا: 'إحنا بنصلي وبنخاف ربنا، ولو وقفنا الفترة دي فده احترام لروح أحمد عامر، لكن مش معناه نهاية مشوارنا'.