تداول رواد مواقع التواصل الاجتماعي فيديو لخناقة اندلعت بين معازيم في فرح بإحدى القاعات في منطقة مسطرد.

قالت هداية سمير، أحد المعازيم في الفرح: “أنا كنت فالفرح فالوقت ده، وحرفيا الوضع مكنش مضحك خالص وقتها، أما الأبواب كلها تتقفل، وناس كتير عيالها برا، ومش عارفين يجبوهم، وأخويا منهم، والأهالي اللي كانت هتموت عليهم، والعروسة اللي انهارت عشان فرحها باظ، وخايفة على كل الموجودين، ومش عارفة تشوف مين حصله حاجه من عندها، ولا لأ، وحالة الاختناق اللي حصلت لبعض الناس، وأصلا في الأول افتكرنا أنها حريقة، فالناس اترعبت”.

وأضافت: “كان فيه ٣ أفراح، والتلاتة باظو، وقفلو على كده، مفيش ولا فرح كمل، وغير شباب كتير من برا راحوا المستشفى، عشان شوية أغبيه كان ممكن يفضوا بدل الخراب اللي حصل للناس، ولصاحب القاعة، وكل ده وعلى فكرة بعد أما رشو الطفايات كده موقفتش، وقفلو النور بردو موقفتش، لدرجة أنهم خرجوا برا، يكملوا خناقة، ووقفوا الشارع”.