وائل نوار و حملة مقاطعة كارفور (فيديو في المركب التجاري بالمرسى)

ويطرح وائل نوار الناشط في المجتمع المدني مسألة مقاطعة سلسلة كارفور في تونس مؤكدا أن هذه العلامة الفرنسية من مساندي الكيان الإسرائيلي وهي من المشاركين في حرب الابادة في غزة.

و يكتب نوار ما يلي عن هذه العلامة:

*روحت مدڨدڨ وليناتي مكسرة وساقي مفصوعة، ولكني فرحان بالـ ما نعرفش قداش من مائة مليون الي ساهمت اليوم مع كل المشاركين انهم ما يمشوش للصهاينة. ما نعرفش قداش بالضبط يوصل للصهاينة وقداش يطلعو بالضبط من كرطوشة، اما يطلعش حتى الي عملناه اليوم الكل نقّص سندويتش واحد لجيش الاحتلال، فرحان بالقليل الي نعملو فيه لأننا ماناش ندخرو في حتى مجهود وعاطين الي عندنا الكل. ومواصلين وكيما قال باسل الأعرج 'عش كالنيص وقاتل كالبرغوث''.

…….

'اليوم أكثر تحرك وجعنا فيه كارفور، اليوم تسببنا في اغلاق كارفور المرسى نهار سبت من الساعتين للخمسة، حسب المعطيات المتوفرة عندنا الرقم الي مستانس يربحه كارفور المرسى نهار السبت في الثلاثة سوايع هاذوكم يتحسب بمئات الملايين.

سنواصل ونصعد من تحركاتنا الى حدود أن تحقق شركة أوتيك (ما يسمى بكارفور تونس) لصاحبها الشايبي مطلبنا المتمثل في قطع الشراكة مع كارفور الأم الفرنسية الصهيونية.

ملاحظة: قطع الشراكة يعني فقط تغيير اسم الشركة وفسخ اتفاق الشريك المميز، اما المحلات والعمال والموظفين فلن يمسهم اي تغيير، مثلما حدث في الاردن فقط تم تغيير اسم كارفور الى محلات ماجد الفطيم دون ان يفقد اي اردني عمله….'.