منة فضالي: تزوجتُ سراً فأصيبت أمي بالشلل

أكدت الفنانة المصرية، منة فضالي، أنها تزوجت مرة واحدة في السر دون علم والدتها ما أدى إلى إصابة الأخيرة بالشلل.

وقالت منة : 'اتجوزت مرة وكانت بالسر عن والدتي ومحبتوش هي حصلت بالصدفة مش هقدر أحكي تفاصيل بس الرسالة اللي أقولها من التجربة أن متخليش حد يستغل أنك صغيرة ومعندكيش خبرة متثقيش في أي حد يقولك كلام حلو'.

وأضاف :'هوكان أكبر مني بـ24 سنة اتجوزنا بالصدفة في يوم وليلة لقيت نفسي متجوزة هو مكانش حد وحش بس إحنا مكناش متفاهمين بسبب فرق السن والغيرة الزيادة'.

وتابع :'والدتي لما عرفت تعبت أوي وجالها شلل في وشها ومكانتش قادرة تتكلم بسببي لأنه صدمة بالنسبالها، لو رجع بيا الزمن واتحطيت في المواقف دي جايز جدا أعملها تاني لأني معنديش خبرة أن حد ينصحني ومعنديش أب يقولي خلي بالك، وقتها كان سني 22 سنة وبقول لأي بنت متثقش في أي كلام يتقال أنا جاتلي كسرة كبيرة أنا ضاع من عمري سنين'.

وأعربت الفنانة عن ندمها من تجربة الزواج، داعية الفتيات إلى عدم الانخداع بمن يقول لهن كلام 'حلو' .