منى فاروق: كنت مخطوبة للاعب كرة وطلع قليل الأدب واديته بالجزمة.. فيديو

كشفت الفنانة المصرية منى فاروق عن علاقة عاطفية كانت تجمعها في وقت سابق بلاعب كرة قدم شهير، مشيرة إلى أنها قررت إنهاء العلاقة بعد علمها بزواجه، فضلا عن سلوكياته غير الأخلاقية.

وقالت مني في مقطع فيديو متداول عبر مواقع التواصل الاجتماعي: 'كان في لعيب كرة ميعرفش ربنا عايز يخطبني ولما عرفت إنه متجوز رفضته، ولكن لقيت مكالمة مسربة لزوجته اتكلمت عني فيها بأسلوب غير لائق واتهمتني بأفعال فاضحة أنا بريئة منها'.

وأضافت: 'كانت بتقول إنه لاعب الكرة ده كان مرافقًا منى بغض النظر إنها متعرفش عني حاجة يعني، عشان هي ولية وأنا مش هتكلم عن الولايا، وأنا ضد اني اتكلم عن ولية، فأكيد هو المريض النفسي اللي اتكلم عليا وفهمها إني بجري وراه وبحبه'.

وتابعت: 'مش عملاله بلوك ومدياله بالجزمة، مش لما هو اتجوز وجه قالي نتصاحب اديته بالجزمة، مش لما أنا وأول مر أقولها كان بيحري ورايا وكان بيجيلي الساحل، وكان بييجي يبوس ايد ماما علشان يتجوزني وانا مكنتش شيفاه عشان عيل صغير وأصغر مني ومش عاجبني نعمل ايه بقى'.

وأردفت: 'وقلتله احنا مش هنرمرم ومش هاخد عيل صغير .. فراح بقى صاحب واحدة وياعيني مقعدها في أوضة ومش عارفة اتجوزها ولا ايه الله أعلم، والبت بقى بتقول وهي بيتحقق معاها أو كان متسربلها مكالمة مش عارفة، انه كان مصاحب منى معجبتوش وكانوا مع بعض في رمضان استغفر الله العظيم يارب'.

وأكملت: 'أهو ده بقى رامي المحصنات واسمه جهر بالمعصية، وده اللي اسمه فسق وفجور'، متسائلة: 'لعيب الكرة ده مبيتحاسبش ليه؟.. لعيب الكرة ده أنا مكنتش مصاحباه أنا كنت مرتبطة بيه وهنتجوز، بس أنا مبحبش العيال الصغيرة، كان بيجري ورايا ف قلت خلاص اعمل فترة خطوبة، ولكما اكتشفت انه بتاع ستات وقليل الأدب، وبيشرب حاجات مش ولابد سبته'.

واستطردت: 'الناس المحترمة اللي طالعة تقول كانت مرافقاه، لا أنا مبرافقش حد حبيبي أنا لما برتبط بحد برتبط بيه قدام الناس كلها، وبما انك وصلتلك معلومة إن انا مرافقاه يعني انت شفتنا مع بعض، وبما انك شفتنا مع بعض يعني إحنا مرتبطين، أكيد مش هنظهر مع بعض واحنا متصاحبين، اتقوا الله'.

واختتمت : 'ولاعب الكرة اللي بتكلم عنه ده غير اللي كان خطيبي عشان بس هما اتنين، اللي بتكلم عنه ده اجل لسه متجوز جديد، وحسبي الله ونعم الوكيل فيه عشان بيتكلم عليا وأنا لو شفته في حتة هديله بالجزمة على وشه لو شفته صدفة'.