(أحمد فهمي كان عاوز يكسر رجله) .. هشام ماجد يروي كواليس خلاف مع معتز التوني

زاد الاردن الاخباري -

الفنان هشام ماجد يستعيد ذكريات فيلم «سمير وشهير وبهير»، كاشفًا تفاصيل خلاف أحمد فهمي مع معتز التوني، وأسرار كتابة العمل ومخاوفه الشخصية.

كشف الفنان هشام ماجد، خلال لقائه في برنامج «وان تو وان»، تفاصيل الخلاف الذي نشب بين الفنان أحمد فهمي والمخرج معتز التوني أثناء التحضير لفيلم «سمير وشهير وبهير»، قائلًا: «أحمد فهمي اتخانق مع المخرج معتز التوني عشان كان في حاجة في السيناريو اختلفوا عليها، وأنا كنت وقتها في شرم الشيخ، فهمي جالي يشتكي لي من معتز، ومعتز يكلّمني يشتكي لي من فهمي».

وأضاف ماجد ضاحكًا: «فهمي قال لي أنا مش هنزل التصوير وهكسر رجلي دلوقتي وودّيني المستشفى نعمل شهادة! طبعًا كان حلًّا ساذجًا جدًا، لأن لو كسر رجله معتز مش خسران حاجة، لكن إحنا اللي هنخسر الفيلم، وفي الآخر قدرت أصلح بينهم».

روى هشام ماجد كواليس كتابة الفيلم قائلًا: «كنا هنعمل الفيلم في البداية مع المنتج أحمد السبكي، لكن حصل خلاف، فانتقلنا بعد كده للأستاذ وائل عبد الله ومحمد حفظي، وكتبنا الفيلم بسرعة جدًا، الحقيقة 'سمير وشهير وبهير' هو أسرع فيلم كتبناه في حياتنا».

وتحدث ماجد عن بداياته مع التمثيل قائلًا: «من وأنا صغير كنت دايمًا بقف قدام المرايا وأمثّل، ووالدي ووالدتي كانوا بيتريقوا عليّ، لكن لما كبرت فضلت أعمل كده، أنا دايمًا لما بعدي في البيت ببص في المرايا أتأكد إن شكلي كويس وإن لبسي مظبوط، وبصراحة بحب المرايات اللي بتخليني أبان رفيع».

استعاد هشام ماجد ذكريات أفلام أثّرت فيه في طفولته، موضحًا: «كنت بخاف من فيلم 'ضربة شمس'، خصوصًا من أداء الفنانة ليلى فوزي، كانت مرعبة جدًا في الفيلم رغم إنها قدمت بعد كده أعمال كانت جميلة فيها».

وكشف ماجد عن أحد مخاوفه الشخصية قائلًا: «أنا طول الوقت عندي فوبيا من الوقت ومش بحب العجز ولا المستشفيات خالص، وأتمنى لما أوصل للمرحلة دي أكون قدمت أعمال تفضل تعجب الجمهور».

نفى الفنان ماجد ما يُقال عن كونه مدللًا، موضحًا أن شقيقه الأصغر هو الأكثر دلالًا داخل العائلة، لكنه شدد على أن الأمر لم يصل إلى مرحلة الاستهتار، مضيفًا: «كل واحد في العيلة كان عارف مسؤولياته كويس جدًا».

تحدث هشام ماجد عن شغفه الكبير بكرة القدم كاشفًا عن أمنية لم تتحقق في حياته، فقال: «كان نفسي أكون لعيب كورة محترف، وكنت قريب جدًا من الحلم ده، لكن سبت الكورة بسبب الجامعة، ولو رجع بيا الزمن كنت اخترت أكون لاعب كورة مش ممثل».

أما عن انتمائه الكروي، فأوضح: «أنا زملكاوي بسبب ماتش معين، الماتش ده خلاني أحب الزمالك جدًا، وأعتقد لو الأهلي كان كسب الماتش كنت بقيت أهلاوي».

اختتم هشام ماجد حديثه بالإشارة إلى تأثره بعروض الكرتون منذ طفولته قائلًا: «كرتون 'توم أند جيري' أثّر فيّ جدًا، يمكن لأنه بيعتمد على كوميديا الموقف أكتر من الكلام، وده نوع الكوميديا اللي أنا بحب أقدّمه من غير ما أكون واخد بالي».