الطوباسي حول أمناء الجامعات: "بخاف يجي البعدين وما يظل فيه شباب" !!

رم - انتقد النائب حمزة الطوباسي التعيينات التي تمت مؤخرا في مجالس أمناء الجامعات , متسائلا 'وين الشباب'؟

وتابع الطوباسي 'كل الاحترام والتقدير لرجالات الدولة وشخصياتها الوطنية، أصحاب التاريخ والخبرة، وخبرتهم أكيد لازم نستفيد منها , بس لما نشوف مجالس أمناء الجامعات، ونلاقي أعمار بعض الأسماء 80 و85 سنة، بنرجع نسأل: طيب وين الشباب؟ '

وأضاف: الشاب بعمر 25 بنحكيله: لسه صغير , وبعمر 35: بدك خبرة , وبعمر 40: لسه بكير عليك , وبنفس الوقت بنحكي عن تمكين الشباب وتجديد الدماء, مؤكدا أ، المشكلة ليست بالعمر ولا بالأسماء، انما المشكلة بأن الشباب باتوا مشروع مؤجلا والى متى؟

الطوباسي قال أنه كنائب ممثلا للشباب، لا يطالب بإقصاء الكبار بل بالعكس، خبرتهم رأس مال وطني لكن نريد خلطة أردنية خبرة الكبار مع حماس الشباب، لنمنح كل جيل فرصته, فاحترام الكبار واجب لكن إعطاء الشباب فرصتهم واجب أيضا

واختتم 'إذا ظلينا نحكي للشباب 'بعدين' بخاف يجي 'البعدين' وما يظل في شباب!

وسلامتكم

النائب حمزة الطوباسي