ضحكتوا علينا بيها زمان| سارة نخلة توجّه رسالة مثيرة للرجال المتزوجين

أثارت الفنانة والإعلامية سارة نخلة جدلًا واسعًا بتصريحات نارية خلال ظهورها في برنامج ساعة زمن مع الإعلامية مايا الشربيني على قناة Ten.

تحدثت سارة بجرأة عن مفهومها للمسؤولية في العلاقات الزوجية، مشيرة إلى أن الرجل يجب أن يكون قادرًا على تحمل الأعباء الحقيقية وليس الاكتفاء بالكلام المعسول.

قالت نخلة:“أنا ما بحبش أراوغ.. يا إما أنت هتعليني أو تبقى على نفس مستوايا. اللفلفة والدباديب ما بقتش تأكل عيش، دي كانت حاجة يضحكوا علينا بيها زمان، لكن دلوقتي أنا فوق الـ30، ما حدش يقدر يضحك عليا.”

وأضافت:“المسؤولية مش أن الراجل يكلمني يقول لي أخبارك إيه.. دي حاجة عادية. المسؤولية هي أنه يشيل كل حاجة: البيت، المصاريف، وكل اللي يخصنا. أنا مش هقف مع السباك ولا مع بتاع التكييف، وفرلي كل ده وبعدين تعال قول عليا نكدية.”

سارة نخلة توجه رسالة للسيدات

موجهة رسالة للمجتمع بشأن مقارنة السيدات المصريات بغيرهن من الجنسيات:“الست المصرية أجدع ست في الدنيا، شايلة كل حاجة لوحدها، من مصاريف البيت للمدارس والنوادي، ولا سورية ولا لبنانية تقدر تستحمل اللي المصريات بيتحملوه.”

وفيما يتعلق بالاهتمام بالشكل والمظهر، أكدت نخلة:“الست اللي بتهتم بنفسها ده دور الراجل كمان، وفرلي الفلوس اللي تخليني أعمل بوتكس وفيلر، وفرلي سواق وحاجات البيت، وبعدها تعالى قول عليا نكدية.”

تصريحاتها أشعلت مواقع التواصل الاجتماعي، حيث اعتبرها البعض صوتًا صريحًا للنساء، بينما رأى آخرون أنها تحمل هجومًا على الرجال المصريين. فهل تكون تصريحاتها بداية لمعركة جديدة بين الجنسين؟

https://www.facebook.com/share/v/15ju6htFjv/?mibextid=UalRPS