"أخطأت بحسن نية".. أول تعليق من إمام عاشور بعد "أزمته" مع الأهلي

دبي، الإمارات العربية المتحدة (CNN) -- أعتذر اللاعب  إمام عاشور  إلى ناديه الأهلي المصري وجماهيره، بعد تخلفه عن السفر مع بعثة الفريق إلى تنزانيا، لمواجهة يانغ أفريكانز، المقررة على أرض ملعب الأخير، السبت، ضمن منافسات الجولة الرابعة من دور المجموعات في دوري أبطال إفريقيا.

والخميس، قرر فريق 'المارد الأحمر' تغريم عاشور بمبلغ 1.5 مليون جنيه (قرابة 320 ألف دولار) وإيقافه لأسبوعين، على أن يؤدي تدريباته منفرداً طوال فترة الإيقاف، وذلك بسبب تغيبه.

والجمعة، كتب إمام عاشور عبر خاصية 'ستوري' في منصة إنستغرام: 'للأسف كلام كتير مغلوط وغير صحيح بيتردد بخصوص اللي حصل، وأنا متقبل أي قرار ياخده النادي، وواثق أنه المسئولين في الأهلي هيتفهموا موقفي كويس، أنا فعلا عندي دور برد جامد ودرجة حرارتي عالية وتقلبات في المعدة بشكل غير طبيعي، وباخد مضادات حيوية، وللأسف كل أسرتي بتعاني من نفس الأعراض، وأنا بلغت الدكتور أحمد جاب الله بظروفي الصحية وعدم قدرتي على السفر، وده إجراء غير كافٍ في مثل هذه الأمور'.

وأوضح البالغ من العمر 27 عاماً: 'أخطأت بحسن نية وكان المفروض أتواصل مع الكابتن وليد صلاح الدين (مدير الكرة بالنادي الأهلي) علشان يبلغ المدير الفني وتتعمل الإجراءات الطبية المتبعة عند التخلف عن السفر'.

وأكمل: 'الموضوع اتقفل خلاص، وتواصلت امبارح بالليل مع الكابتن وليد صلاح الدين، وأنا تحت أمر النادي، جمهور الأهلي سندي وضهري بعد ربنا سبحانه وتعالى، وبعتذر للنادي والجهاز الفني وزمايلي وقبلهم جمهور الأهلي، أنا فخور باللعب في أكبر نادي في أفريقيا، وعلاقتي بجماهيره العظيمة لا تقبل القسمة على اتنين، وأرجو من الجميع إغلاق هذا الموضوع'.

وواصل عاشور: 'الناس اللي بتقول ان إمام عايز يلوي دراع النادي بقولهم حسبي الله ونعم الوكيل، محدش يقدر يلوي دراع الأهلي، ولا يمكن أفكر بالطريقة دي أبدا، وانا اتشرفت بارتداء الفانلة الحمراء وبقالي ٣ سنين في النادي، والحمد لله عمري ما قصرت لا في حق النادي ولا جماهيره، وده حقهم عليا، ووجودي في الأهلي نادي القرن وفي ضهري جمهور الأهلي يعوضني عن كل حاجة، عندنا ماتش بكره (السبت) مهم، يارب كل التوفيق لزمايلي والجهاز الفني ونحقق الفوز اللي يسعد كل الأهلاوية'.