«من صفط اللبن لأمريكا».. ساسو يعرب عن سعادته بمشاركة بيكا وعمر كمال بجولتهما بـ أمريكا

أعرب الدي جي إسلام ساسو، الذي يعد أشهر «دي جي» لأغاني المهرجانات عن سعادته بمشاركته لعدد من مطربين المهرجانات بجولتهم الفنية بالولايات المتحدة الأمريكية، المقرر انطلاقها خلال شهر سبتمبر الجاري.

وشارك ساسو، متابعيه عبر موقع التواصل الاجتماعي «فيسبوك» صورة له من أمريكا وعلق عليها قائلا: «من صفط اللبن لأمريكا» في إشارة إلى نشأته بمنطقة شعبية وسعيه حتى وصل إلى لهذا النجاح.

ومن المقرر إقامه الحفلات بعدد من الولايات الأمريكية، وتأتي في المقدمة واشنطن، وذلك يوم يوم 20 سبتمبر الجاري، ثم نيويورك يوم 21 من الشهر ذاته، ثم تكساس يوم 27 سبتمبر، وتختتم في 28 سبتمبر في كاليفورنيا.

ويشارك في الجولة عدد من مطربين المهرجانات، أبرزهم حمو بيكا، وعمر كمال، وأورتيجا، الذين يؤدون على أنغام دي جي ساسو، الذي يتعاون مع غالبية مغنيي المهرجانات منذ أعوام.

مؤخرا طرح المطربان عمر كمال وحسن شاكوش، أجدد أعمالهما الغنائية التي تحمل اسم «قطر جيلك» عبر قناتهما على موقع الفيديوهات الشهير يوتيوب.

أغنية «قطر جيلك» من كلمات مصطفى الجن، ألحان منعم، توزيع إسلام ساسو، والكليب من إخراج حسام مجدي، ظهر خلال الفيديو كليب الراقصة الاستعراضية ليندا.

وسبق وأن تشاركوا الغناء من خلال أغنية «أنا في البلد عضمة» من كلمات مصطفى الجن، وإسلام المصري، وتوزيع إسلام ساسو.

وجاءت كلمات أغنية قطر جيلك لـ عمر كمال وحسن شاكوش كالتالي:

«واحدة واحدة ياقطر جيلك

عارف ان مفيش بديلك

انتي اصلا مين يجيلك

في الدلع ولا الجمال

عادي خليهم يقولو

القمر فوق مين يطولو

دا البطل لحظة وصولو

خطوتو بتعمل زلزال

بطل مجاش اللي ينيمو

ويقف قصاد سحره ويهزمه

كل اللي يتحدوكي سلموا

يا نمبر وان ف الجامدين

عرشك مجاتش اللي تهدده

منك مفيش وبيستوردوا

وياعيني بيحاولوا يقلدوا

وبردو جنبك مش باينين

كلو يصحالو ويفوقلو

دا الفرس نازل بتقلو

ممكن الملعب يروقلو

أصحو وحش الكون حضر

مين على الكوكب دا قدو

كلهم قدامو هدو

لا صراحة الله يهدو

ممنوعات والعود خطر

عسل قمر من غير أفورة

لا شغل ميكب ولا فلترة

لمبة كده ماشية منورة

كشاف جمالك يعمي العين

أسد وعودك عود مفتري

تتحسدي لازم تتبخري

فتحتي نفسي على الجمبري

وع الجواز وما ليكي يمين

بشويش على الأرض حبة

الشارع مش حمل دبة

خف حبة تزيد محبة

أحنا مش قدك يا جامد

حد فيكو يروح يقولو

يهدا بالجمدان دا كلو

لو لمحتو انا مش هحلو

ده اللي خلا مشاعري قامت

دا أنا أزلزل الكوكب زلزلة

بس تقوليلي بحبك يلا

وتحطي لينا صورة ع الحالة

وسهم راشق بين قلبين

عاشقك وعشقي ملوش ترجمة

يا ملاك رقيق نازل من السما

بطلت من بعدك رمرمة

ونويت أكمل نص الدين».