ياخدوا مستحقاتهم في الزمالك الأول | ميدو يوجّه رسالة نارية لـ حسين لبيب

طالب أحمد حسام ميدو نجم نادي الزمالك السابق مجلس إدارة القلعة البيضاء برئاسة حسين لبيب بسرعة حسم موقف أحمد زيزو سواء بالبقاء أو الرحيل، وذلك لتأثيره على استقرار الفريق.

وكتب ميدو عبر حسابه بموقع التواصل الاجتماعي 'إكس': خلاصة حال الزمالك اللاعيبه دي مش هتلعب ١٠٠ الـ١٠٠ إلا لما ياخدوا مستحقاتهم مش هتاخد من اللاعيبه الروح والشراسة والإصرار على المكسب إلا لما ياخدوا مستحقاتهم وبصراحة اللاعيبة دي اكتر لاعيبه استحملت في مصر لكن أنا ماقدرش أحاسب حد مابديلوش حقوقه غير أن موضوع زيزو طول وبوخ وليه تأثير كبير على استقرار الفريق لازم deadline لنهاية موضوع زيزو أما الرحيل أو البقاء'.

وأضاف: 'الزمالك محتاج نمره 6 جامد بيعرف يحمي قلوب الدفاع ويعرف يغطي الأظهره بشكل جيد لما بيتقدموا مدافعين الزمالك متعريين بلغة الكورة.. الأولويات التخلص من اللاعيبة اللي بتكلفك فلوس ومش بتستفيد منهم دفع مستحقات اللاعيبة والتعاقد مع مساك جامد ولاعيب نمرة 6 تقيل عنده خبرة وجناح شمال جامد وأخيرا حسم موقف زيزو في أسرع وقت ممكن'.

وعلى صعيد آخر، يواصل الفريق الأول لكرة القدم بنادي الزمالك تدريباته على ملعب النادي، اليوم السبت، استعداداً للقاء الجونة المقبل في مسابقة الدوري المصري الممتاز.

ويستعد فريق الزمالك لمواجهة نظيره فريق الجونة، المقرر لها يوم الاثنين المُقبل في الجولة العاشرة من مسابقة الدوري الممتاز والتي ستقام باستاد القاهرة الدولي.