مصطفى بكري: تغيير الوجوه مهم لمصلحة النظام واللي مبيشتغلش يمشي

أكد الإعلامي مصطفى بكري أن الرئيس عبد الفتاح السيسي يعلم جيدا معنى الأمن القومي المصري، مشيرا إلى أن مصر لديها القدرة على مواجهة كل المخططات.

وقال بكري خلال برنامج 'حقائق وأسرار' المذاع على قناة 'صدى البلد': 'الرئيس السيسي لديه خطوط حمراء ويعرف تماما معنى الأمن القومي المصري وعلاقته بالأمن القومي العربي ويعرف تماما أن كل هذا الضجيج لا أحد وأن مصر لديها من القدرة العسكرية والقدرة البشرية ما يجعلها حجر عثرة أمام كل المخططات'.

وأضاف: 'أوعى حد فيكم ييأس جيشنا قدها وقدود وجيشنا يقدر يأدب اللي أمه مأدبتوش ويعلم اللي متعلمش في تاريخه بس الوضع الداخلي أنا شايف في لعب في الوضع الداخلي واحتقان بدأ يبقى موجود نتيجة تصرفات غير مسؤولة من أطراف حكومية غير حكومية'.

وتابع: 'لو الناس دي بتشتغل برؤية الرئيس الحالة مكانتش هتبقى كده هو حد ينكر أن الناس زعلانة؟ لا زعلانة والرئيس قال الكلام ده أكتر من مرة زعلانة من الأسعار والمشاكل وممارسات البعض عشان كده لما بنتكلم عن التغيير في الأشخاص والسياسات جنبا إلى جنب مع الدولة المصرية أنا النهاردة محافظ مش عاجبني يمشي حكومة مش عاجباني تمشي'.

وواصل: 'اللي ميمشيش مع خط الرئيس اللي انتوا شايفينه وعشتوه على مدى السنوات الماضية يروح ولكن احنا اللي بنشوفه دا بيجيب دا ارمى قانون له علاقة بالمالك والمستأجر عشان تولع البلد، انت لو مكانش عندك أفق سياسي وحقائق الوضع الاجتماعي يبقي أنت اسمحلي بقى'.

وأوضح: 'احتقان هنا وهنا وهنا نفس الوضع اللي كان أيام الرئيس مبارك كله بيلم على بعضه بعدين وأنا بقول الكلام ده حرصا على الدولة والنظام وأنا يهمني بلدنا ويهمني الراجل اللي بيبذل كل جهد وأي حاجة هتحصله هنشوف الاخوان هيعملوا ايه'.

وذكر: 'احنا دقنا المرار في زمن الإخوان وفي الفترة الانتقالية وفي زمنك مينفعش أنت قائد وطني وعارف كل حاجة وتفاصيل كل حاجة'.

واختتم: 'التغيير مهم وتغيير الوجوه مهم عشان مصلحة النظام والفسدة وحضرتك مش ساكت على هذا الموضوع والناس المتكاسلة في العمل تتركن على جنب نحتاج لمصر جديدة بقيادتك مصر واعية ومدركة وتلم الكل تحت قيادتك'.