اخبار مصر
موقع كل يوم -الرئيس نيوز
نشر بتاريخ: ٢٤ شباط ٢٠٢٥
كشف محمد عمر أحد ضحايا منصة 'FBC' تفاصيل تعرضه للنصب من المنصة التي أغلقت أبوابها بشكل مفاجئ بعد أن جمعت ملايين الدولارت.
وقال عمر في مداخلة مع برنامج 'الحكاية' المذاع على قناة 'إم بي سي مصر': 'الحكاية بدأت لما كذا حد اتكلم عندنا في الأرياف عن موضوع الإنترنت وأنك كل يوم بتسحب فلوس وأنا عشان مصمم جرافيك كنت مستغرب الموضوع شوية وابتديت أسأل ولقيت كلامه صح وكل واحد حسب الباقة بتاعته واللي بيدخل شخص جديد بياخد مكافئة'.
وأضاف: 'أنا حطيت 11 ألف و200 والفلوس جمعتها وكان معايا جزء واستلفت جزء، وأنا بحثت على الإنترنت لقيت منصات كتير وكنت عايز أفهم إيه الفرق وتواصلت مع المدير الإعلامي للشركة ونمرته مصري وقابلته وجهها لوجه وكان في افتتاح فرع'.
وتابع: 'أنا رحت قابلتهم وبناء على ده اطمنت أن كل حاجة تمام وحطيت 11200 جنيه ولقيت الموضوع فيه بعض الغرابة'.
وأوضح: 'أنا رجعلي من الـ 11 ألف 9500 جنيه وأنا بدأت أشك أن في حاجة غلط في الأواخر وحاولت انسحب قالوا مفيش انسحاب ومش هينفع تخرج'.
واختتم: 'السحب كان كل يوم وبعد فترة السحب بقى كل أسبوع وجيت اسحب يوم الخميس قالوا في حاجة اسمها عيد الشجرة ومفيش سحب والأسبوع اللي بعده قالوا اتهاجمنا في هاكر اخترق المنصة وعشان نسترد الحساب لازم ندفع فلوس تانية'.
