بسبب «تيك توك».. مها أحمد مطلوبة على «جوجل» | تفاصيل

تصدر اسم الفنانة مها أحمد، تريند محرك البحث الشهير «جوجل» خلال الساعات الماضية، وذلك بعد نشرها فيديو عبر «تيك توك»، للرد على حالة الجدل والهجوم التي تعرضت لها.

وقالت مها أحمد، خلال الفيديو: «أنا صحيت على إن الدنيا مقلوبة والجمهور اللي بيحبني ومش متنمر زعلان إني بقول عاوزة أشتغل عند شيخ.. أنا مليش ذنب بميولك أو إن عندك خلفية بإن اللي بتشتغل عند شيخ بتروح تشتغل خدامة».

وتابعت مها أحمد، قائلة: «لكن أنا هانم.. ولما كنت بتكلم اني عاوزة أشتغل عند شيخة أو شيخ من الشيوخ فده بناء على تاريخ الفن اللي أنتم جاهلين بيه، لأن أعمال فنية مصرية كتير متصورة في استوديوهات شيوخ خلايجة، وكان في ستوديوهات هنا مملوكة لشيوخ وكنا بنروح نصور عندهم.. وفي شيوخ خلايجة ومنتجين بيعشقوا الفن هناك».

وأكملت مها أحمد: « فأنا مش ذنبي إن إنتي جاهلة ومش عارفة أو إنت جاهل، وطبيعي لما ممثلة أو واحدة كانت ممثلة طلعت على السوشيال ميديا وبتشتغل على السوشيال ميديا تقول جملتين زي دول بتطلب حد عشان ينتج لها، أنا مستغربة جدا هو سيادة المستشار تركي آل الشيخ هو مش شيخ؟ هو مش بينتج لتلت تربع نجوم مصر هما مش كل فنانينا سابوا التمثيل في مصر وراحوا هناك بيمثلوا في السعودية، هو دا كويس ليهم كنجوم ووحش لمها أحمد عشان تطلبه».

وأضافت مها أحمد: «أنتوا بتسألوني فين الدكتور مجدي يصرف عليكي لا يا حبيبتي دكتور مجدي بيصرف عليا من زمان أوي الدكتور مجدي مكفي وموفي الدكتور مجدي بيجيب الفلوس كده ويحطها قدام مراته ويقولها اتصرفي، أعملي اللي إنت عايزاه وهاتي اللي نفسك فيه لأن الدكتور مجدي واخد مراته ممثلة بتشتغل فهو عارف أوي إن لازم اشتغل مسألتهوش ليه أيام ما هو كان بيمثل وأنا بمثل بتخلي مراتك ليه تشتغل ما تقعدها ستتها في البيت ولا حلو السؤال دلوقتي عشان التنمر زاد، ما تسألوا الدكتور مراته بتشتغل دكتورة ليه ما تسألوا الصحفي مراته بتشتغل صحفية ليه وبتنزل وبتبقى مراسلة وتروح وبتيجي وبتشتغل على تيك توك».

وأكملت مها أحمد: «أرجع أقولكم كان ممكن أقصف جبهتكم واقولكم وانتوا مالكم، اللي أنا مستغرباله أنا كاتبالكم ورقة تخيلوا انتوا كام فنان على تيك توك، مها أحمد، جمال حجازي، عايدة غنيم، سهام جلال، وائل علي، وائل علاء، وفاء عامر، أيتن عامر، نرمين ماهر، بدرية طلبة، علا رامي، أحمد الدمرداش، عمرو عبد العزيز، وفاء مكي، النجم محمد هنيدي علمهم برنامج كان بفلوس عشان تيك توك يتشهر، جومانا مراد، أحمد فهمي، فادي خفاجة، هادي خفاجة، منير مكرم، رامز أمير وغيرهم، كل دول إنتوا سبتوهم ومسكتوا في مها أحمد كل دول ملهمش أزواج مسألتهمش ليه مبيصرفش عليكي اشمعنى مها أحمد ومجدي كامل عارفين ليه عشان مجدي كامل محترم مش عايز يرد لأنه ليه وجهة نظر أن كلها حسابات وهمية منعرفش مين وراها عارف أنكم عالم افتراضي مش عارفين مين بيهاجمنا حتى رأيه إني مردش»