المزاج عناب.. طرح برومو كليب بهاء سلطان الجديد

طرحت شركة روتانا للصوتيات والمرئيات، برومو كليب المزاج عناب لـ الفنان بهاء سلطان، وذلك عبر حسابها الرسمي بتطبيق انستجرام، معلنة عن طرحه قريبًا.

ولم تكشف الشركة عن تفاصيل كليب المزاج عناب لـ بهاء سلطان، أو الموعد المحدد لطرحه، والذي يأتي تزامنًا مع الموسم الصيفي الجاري.

طرح الفنان بهاء سلطان أغنية جديدة تحمل اسم 'ننزل فين' وذلك بالتزامن مع حلول عيد الأضحى وذلك عبر قناته على موقع يوتيوب.

أغنية 'ننزل فين' غناء بهاء سلطان ومن كلمات تامر حسين، وألحان عزيز الشافعي.

وتقول كلمات أغنية «ننزل فين»:

داخِل ب ناس ف إيدي

براضيك اهو ياسيدي

مرة ومرت

ماتصغرناش تعالى

ليا هيبه وليا هاله

اسمع كلمتين

لولا الغلاوة لولا عِشرة حلوة بينا

أركب دماغى وأنسى كُل حاجه بينا

بس اللى زيك قُليلين

تنزل فين.. مِين حايسيبك تِنزل

وأنت حزين.. عُمري ما أسيبك تنزل

جيت بكمين.. حِلفوا يمين

هنا قاعدين كلمة ومش حاتِنزل

ماخلاص حقك علي

ياحبيب يلا بينا

نتصالح قوام

فين الضحكة الجميله

ولا أشيلك هيله بيله

بتعذب حرام

وفي شهر فبراير الماضي، طرح بهاء سلطان أغنية جديدة بعنوان 'مارتحناش' من كلمات هانى رجب وألحان اسلام معز وتوزيع عمرو صلاح وإنتاج روتانا، ومنتج فنى سعيد امام ومدير انتاج ماجد سليمان، وتنتمى الأغنية إلى نوعية الأغانى الدرامية التي يتميز بها بهاء في أعماله.

وتقول كلمات الأغنية : أصعب حاجة في حياتك تبعد عن أي ناس لو كان البعد راجل كنت قتلته وخلاص، لو كان البعد راحة كنا ارتحنا ونسينا بس احنا بقالنا فترة بنام بدموع عنينا، ومرتحناش ولا الناس اللي بعدوا ارتاحوا بعدينا، ولا حبايب هتيجي في يوم تنسينا دي قلة راحة غصب عنا مابنهداش، ومرتحناش ولا الناس اللي بعدوا ارتاحوا بعدينا ولا حبايب هتيجي في يوم تنسينا، وقالوا هننسى بس بجد مابننساش دايما تيجي النهاية عكس اللي اتمناه، بعد ماتظبط حياتك على حد تكون معاه تيجي الدنيا في ثواني تاخده بعيد عن أيدينا ولا منه، فضل معانا ولا منه غريب علينا، ومرتحناش ولا الناس اللي بعدوا ارتاحوا بعدينا .

كما طرح مؤخرا بهاء سلطان أحدث أغانيه على موقع يوتيوب التى تحمل اسم 'قبل ما امشى' التى اقتربت من 2 مليون مشاهدة على اليوتيوب وهى من كلمات وألحان عزيز الشافعى وتوزيع وميكس وماستر وسام عبد المنعم، وإنتاج روتانا.

وتقول كلمات الأغنية: قبل ما امشى عايز أسلم عاللى جرحه فى قلبى علم ف الندالة كان معلم دكتوراه ف خيبة الأمل، اللى ساب ف القلب نغزة، لا ملامة ولا مؤاخذة، الغلاوة والمعزة، سابوا جرح ما يحتمل.

وكان بهاء سلطان قد طرح عددًا من الأغاني خلال الفترة الماضية، منها أغنية 'دادينا' من كلمات تامر حسين وألحان عزيز الشافعى وتوزيع أحمد عادل، و'ندر عليا'، وهي من كلمات أيمن بهجت قمر، ألحان محمد يحيى وتوزيع وسام عبد المنعم، كما طرح أغنية 'دلوقتى عجبناكو' كلمات منة القيعي وألحان عزيز الشافعي وتوزيع احمد عادل ومكس ماهر صلاح وماستر جلال حمداوي، وطرح أيضا أغنية 'الجو ولع' من كلمات باسم عادل وألحان محمد يحيى وتوزيع وسام عبد المنعم.