ادعوا للغالي.. ياسمين علي تدعم عمرو مصطفى بعد إصابته بالسرطان

حرصت المطربة ياسمين علي، على تقديم الدعم للملحن عمرو مصطفى بعد إصابته بالسرطان.

وكتب ياسمين على صفحتها الشخصية بموقع التواصل الإجتماعي إنستجرام: “من قريب جه علي بالي وفضلت جوايا عايزة اكلمه واسال عليه بشكل غريب..كلمته وفضلت اطمن عليه وف اخر المكالمه لقيته بيقولي انه عنده ورم وهايعمل عمليه ... وبجد كأن حد دلق علي ميه ساقعه... فضلت اقوله بامر اللّٰه هاتعدي وهاترجع احسن من الاول وهاتكسر الدنيا..وقفلت ومارضتش اقول لحد ولا اكتب لاني شوفت انه مااعلنش ده واحترمت سكوته وحسيت انه عايز يعدي المحنة دي من غير ماحد يحس بوجعه ومن غير دوشه...لكن بعد ماكل المواقع كتبت عن تعبه وبعد مافي فنانين كتير اعلنوا ..بتمني منكم انكم تدعوله..يارب يحفظه ويشفيه ويعديه منها علي خير ويرجع لاهله واولاده ولجمهوره بكل صحه وعافيه ويقوم بالسلامة يارب..من فضلكم ادعوا للغالي”.

تداول رواد التواصل الاجتماعى العديد من الأخبار التى تفيد بخضوع الملحن عمرو مصطفي لعملية استئصال ورم سرطاني خلال الساعات القليلة الماضية، بعد ما نشرت دنيا سمير غانم صورة له من خلال حسابها الرسمي بموقع انستجرام توجه له رسالة شكر لحرصه الشديد للعمل على الأغنية الرسمية لمسلسله عايشة الدور، مؤكدة حرصه على التواجد برغم خضوعه لعملية جراحية دون الكشف عن تفاصيلها.