موبايلك جاسوس عليك ولا لأ؟ إزاي تحمي نفسك من تطبيقات الهواتف الذكية

حذر محمد عسكر، خبير التكنولوجيا، من خطورة صلاحيات التطبيقات على الهواتف الذكية، مؤكدًا أن 'كل التطبيقات لها صلاحيات على الهاتف، وتستطيع جمع بيانات دقيقة جدًا عنك، سواء عن اهتماماتك أو احتياجاتك، وتقوم بدراسة وتحليل هذه البيانات بدقة'.

وقال عسكر، خلال برنامج “صباح البلد” المذاع على قناة “صدى البلد”، إنه لا يمكن حماية النفس بشكل كامل من هذه الممارسات، موضحًا: 'نقدر نقلل من استخدام التطبيقات دي، لكن مش هنقدر نحمي نفسنا بنسبة 100%، لأن البيانات بتتجمع في الخلفية حتى مع الاستخدام المحدود'.

واقترح عسكر الاعتماد على تطبيقات بديلة من دول مثل الصين أو من مطورين عرب، بدلًا من التطبيقات الأمريكية، قائلًا: 'لازم يكون عندنا تطبيقاتنا الخاصة من العرب، لأننا عارفين كويس إن التطبيقات الأمريكية بتجمع بياناتنا، والشركات دي بتستفيد منها اقتصاديًا'.

وأضاف: 'من البداية، كلنا كنا عارفين إن شركات التكنولوجيا بتستخدم بياناتنا، سواء للإعلانات أو لتحسين خدماتها، لكن دلوقتي المسألة بقت أكبر من كده، وبتأثر على الخصوصية والسيادة الرقمية كمان'.