بعد الطلاق .. صور رومانسية جمعت ريم وبربري| شاهد

تصدر الثنائي البلوجر ريم وبربري مؤشرات البحث جوجل بعد إعلان طلاقهما للمتابعين عبر الحساب الرسمي على موقع التواصل الاجتماعي للصور والفيديوهات إنستجرام.

وكشف بربري، «إن سبب اختفاءنا أن أنا وريم أطلقنا لأسباب شخصية مش عايزين الناس تضايق ولا تزعل، ربنا يكتب لنا الخير احنا الاتنين، واحنا راضيين بالقرار ده، اوعوا تحبطوا ولا تفقدوا الأمل في الجواز».

وقال بربري «احنا الاتنين اتجوزنا وعيشنا سنين حلوة مع بعض، وإحنا مبسوطين بيه، بس مش هنفقد الأمل، إحنا بنحترم بعض ومفيش بينا مشاكل ومش ندمانين على علاقتنا خالص، وصلنا لحته كويسة في حياتنا الحمد لله مش معنى العلاقة خلصت تبقى فشلت، اللي جي أحسن».

،وتداول رواد السوشيال ميديا صور رومانسية جمعت بين ريم وبربري لتشهد على قصة الحب والزواج، واشتهرا بتقديم فيديوهات مقالب في بعضهما البعض، بجانب فيديوهات يختبر بها بربري ذكاء ريم في حل بعض الأسئلة، ولكن في الغالب لا تجيب عليها ريم بشكل صحيح، حتى ولو كانت الإجابة واضحة بشكل صريح، مما أثار استياء كثير من المتابعين في بعض الأحيان الذي من وجهة نظرهما كانت ريم تتعمد أو تصطنع عدم معرفة الإجابة، وبربري يقلل من ذكائها لدعم المحتوى.