عمرو أديب: حفل تخرج الأكاديمية العسكرية رسالة للداخل والخارج

أكد الإعلامي عمرو أديب، أن حفل تخرج الضباط من الاكاديمية العسكرية والذي حضره الرئيس عبد الفتاح السيسي ورئيس دولة الإمارات لم يكن مجرد حفلًا عاديًا، مشيرًا إلى أنه كان رسالة للداخل والخارج.

وقال أديب خلال برنامج 'الحكاية' المذاع على قناة 'إم بي سي مصر': 'العرض العسكري اللي كان الغرض منه توجيه رسالة واضحة للداخل والخارج أنا بقول للناس اللي جوة يا شعب مصر أرجوك كلمة واحدة اطمئن'.

وأضاف: 'أنا مش عامل العرض العسكري ده عشان احتفل بأبنائنا الطلبة وعشان أديهم النياشين دي رسالة واتقال الكلام دة رسالة واضحة للناس اطمئنوا هذه هي قوة مصر الدفاعية وقوة مصر الرادعة اللي هو قبل ما تفكر بس خد بالك من الحتة دي ومن الشباب دول ومن الطيارات دي ومن الشعب ده اللي واقف ورا عياله اللي اتخرجوا'.

وتابع: 'هناك في هذه اللحظة لو قررت أن أنت تغامر يكون الاختبار العظيم وتشوف أنت بتتعامل مع مين أنت تبني جيش لتوجه رسالة زي اللي كانت إمبارح محدش يقول دا الجيش مش عارف إيه أدي الجيش أهو وللخارج لو سمحت لو عايز تهزر هزر مع ناس تانية الجيش المصري لا يقبل الهزار'.

وواصل: 'الرسالة كانت واضحة أدي التدريب اللي بيتدربوه الضابط المصري ضابط فاخر وعنده عقيدة للدفاع عن بلده حتى الموت ودي وظيفته'.

وشهد الرئيس عبد الفتاح السيسي، الخميس الماضي حفل تخرج دفعات الكليات العسكرية للعام 2024 بالعاصمة الإدارية الجديدة من مقر الأكاديمية العسكرية المصرية بالتزامن مع احتفال القوات المسلحة بمرور 51 عامًا على نصر 6 أكتوبر المجيد.

وحضر الحفل الشيخ محمد بن زايد آل نهيان رئيس دولة الإمارات وعدد من قادة القوات المسلحة والوزراء وكبار رجال الدولة، وفقًا لما ذكرته وكالة أنباء الشرق الأوسط.

وتم تخريج الدفعة 118 من الكلية الحربية، والدفعة 75 من الكلية البحرية، والدفعة 91 من الكلية الجوية، والدفعة 61 من الكلية الفنية العسكرية، والدفعة 52 دفاع جوي، والدفعة 53 من الكلية التكنولوجية.

وبدأت مراسم الاحتفال بعزف السلام الوطني لدولتي مصر والإمارات العربية المتحدة.