وفاء عامر: ريحة صواني «البطاطس» ساعة الفطار.. ذكرياتي مع رمضان في العشرين

قالت الفنانة وفاء عامر، إنَّ ذكرياتها في عمر العشرين مرتبطة بأطباق رمضان ولمة العائلة حول المائدة وقت أذان المغرب، لتظل تلك الذكريات تمثل لها صورة مصر والوطن: «في العشرين كنت شايفة مصر في بيتنا وريحة صينية الكيكة وكذلك رائحة صينية البطاطس وطشة الملوخية وقت الفطار.. والأطباق رايحة راجعة والطرشي اللي رياح عند الجيران ورجع من عندنا إحنا حاجة تانية أو العكس».

واستطردت الفنانة وفاء عامر: «بدأت أشعر أن السنين جريت لما أبويا مات.. سألت نفسي جريت إزاي لأني قبلها كنت حاسة إني لسه صغيرة أوي.. وفقدت والدي في عمر 32 عاما».

وتابعت: «كل مرحلة عمرية لازم أكسب من اللي قبلها الخبرة اللي تعليني درجة وأكتر مرحلة شوفت نفسي فيها الأعلى إنتاج كانت العام قبل الماضي عندما قدمت 3 أدوار للدراما».