عمرو أديب يرد على منتقدي علاج الفلسطينيين داخل مصر: "ليست هناك مؤامرة"

رد الإعلامي عمرو أديب على بعض المصريين الذين انتقدوا دخول عدد من الفلسطينيين للعلاج داخل البلاد في ظل ما يتردد عن مخططات التهجير.

وقال أديب خلال برنامج 'الحكاية' المذاع على قناة 'أم بي سي مصر': 'هل المصريين كانوا حساسين لاستقبال حد عندهم زي ما هم حساسين دلوقت لوحظ حساسية عالية من أي حد هيقعد في مصر'.

وأضاف: 'أنا بقول الكلام ده لأن النهاردة قد ألمني أن بعض الناس مضايقة من الـ 50 فلسطيني اللي جايين يتعالجوا في مصر هما حويطين قالك أه 50 كل واحد معاه مرافق يعني 100'.

وتابع: 'دا الـ 50 دول ناس بتموت عندهم سرطان وحاجات في الرئة وأطفال وناس بتضييع أنت عايز أيه طفلة تيجي من غير أمها وأبوها متقعدش تلعب عضلاتك على الحدود وتقلي أنا مصر ومتقومش بدورك'.

وواصل: 'احنا ضد التهجير وترامب بيكلمك على 800 ألف على الأقل انت النهاردة جالك 50 واحد تاخد وتعالج وفي أطفال وكبار السن وأنتوا عمركم ما كنتوا كده'.

وأكمل: 'أنا عارف أنها قلة أقل من القليل اللي عندهم هذا الغل والحقد يا جماعة ربنا يبارك في فلوسكم وتقفوا جنب الناس، انت مصر ولا مش مصر أنت قد الموقع ولا مش قد الموقع، هو العالم كله بيكلمك ليه؟ عشان انت مصر'.

واختتم: 'ارجوكم لا تقلقوا ليست هناك مؤامرة دي عيال غلبانة أنت على مدى التاريخ جالك الدنيا كلها هو العشرة مليون اللي عندك دول جم إزاي'.