أحمد عز في ندوة "القاهرة السينمائي": مسلسل "ملك روحي" نقطة تحول في مشواري

انطلقت من قليل ندوة تكريم النجم أحمد عز على هامش فاعليات مهرجان القاهرة السينمائي الدولي في دورته الـ45.

وتحدث عز عن مسلسل “ملك روحي”: “يعتبر المسلسل نقطة انطلاقة في عالم الفن ونقطة تحول كاملة لمشوارها الفني”.

وكشف عز تفاصيل ترشيحه للمسلسل وقال “بعد اعتذار أحد النجوم عن العمل تم ترشيحي للعمل وأول أيامي في العمل شعرت إنني لست على قوة الفنانة الكبيرة يسرا، وقال لي المخرج مجدي أبو عميرة بعد الحلقة السادسة لن تستطيع ان تسير في الشارع وحققت نجاحا مدويا بالفعل وكان يذاع على قنوات فضائية وعرفت وقتها قيمة الفن وكان هذه النقلة الحقيقية في حياتي”.

وتابع كان المسلسل وش السعد عليا فعقب نجاحه هاتفني المنتج وائل عبد الله وتعاقد معي ثلاثة أفلام ووقتها، وبدأت افهم معنى وشكل جديد للسينما، وتعلمت طريق الاكشن واعمال الساسبينس.

وتحدث عز عن حصره في البداية في أدوار معينة قائلا: 'خليني ابقي واضح في الأول كانوا بيرشحوني علشان شكلي، لاني لما كنت بتفرج علي أعمالي القديمة كنت بقول ربنا كرمني أوي، لكن مع الوقت أصبحت طريقتي وأدواتي وعملي على الشخصيات واختيار الأعمال المختلفة هما الأهم من الشكل، مؤكدا انه حريص بشكل كبير على العمل بكل تركيز، قائلا يشهد ربنا إني ببقي بفكر في الناس اللي هتنزل تدفع من جيبها علشان تتفرج على فيلم هيطلع منه بحاجة'.

وتايع عز: 'اعتبر نفسي محظوظ لأن الافلام الأولى كلام الليل والشرف ومن بعدهم مذكرات مراهقة وكل الأفلام اللي جت بعدهم كانت ناجحة، وأنا لسه فاكر دكتور سميرة محسن وإحنا بنصور سنة أولي نصب خلتني اروح احضر في معهد فنون مسرحية في كل السنوات الدراسية وأنا ممتن لكل اللي علمني حاجة، وهما السبب في وجودي هنا دلوقتي، لانهم علموني في الأول أن التمثيل مش شكل بس'.

وأضاف المخرج الكبير سعيد حامد أما شافني قالي 'انت اتعملك كل حاجة'، وانا اعتقد اني دايما محظوظ، وملاكي اسكندرية ده كان مولود ليا، احنا كنا بنطبع الفيلم في مكان في الهند اسمه شناي، ورحلتها طويلة جدا على ما توصل تبقي زهقت من الفيلم، وأنا بتفرج علي النسخة الزيرو في الهند، معرفتش أنا مين من كتر ما كانت النسخة ضلمة جدا، رجعت الأوتيل قلت أنا مستقبلي ضاع، بس علي العكس كان هو البداية.