عمرو أديب عن «فاتورة بوراك»: ده مطعم سياحي.. ‏ولو مش عاجبك متاكلش عنده

أشعل مطعم الشيف التركي بوراك جدلاً واسعًا على مواقع التواصل الاجتماعي، بسبب ارتفاع أسعاره بشكل لافت للنظر، وذلك عقب تداول رواد مواقع التواصل الاجتماعي صورًا لقائمة الأسعار التي وصفها الكثيرون بأنها «خيالية»، مما أثار تساؤلات حول مدى مبررات هذه الأسعار المرتفعة.

وعلق الإعلامي عمرو أديب، على قائمة أسعار المطعم، قائلا: «فجأة إلحق ده النفرين بياكلوا بـ 21 ألف جنيه، حرام عليكم ليه إنت مالك ده مطعم سياحي مش اللانش بوكس بتاع العيال».

وأضاف: «هو يعمل اللي عايزه وإنت مالك.. متاكلش عنده، وقول لأصحابك متروحوش لمطعم بوراك، في حد عايز يحسسك دايما إن في أزمة»، متابعا: «إنتم عملتم دعاية للمحل بمليون جنيه».

وتابع: «محدش واخد باله إن حدائق الأهرام بقالها 4 أيام معندهمش مياه.. ده موجعكوش، بس لما جه بوراك وفاتورته اللي بـ 14 ألف اتكلمتوا»، لافتا إلى أن من يدخلون مطعم بوراك «مش بيبصوا هيدفعوا كام، ومش مستني تخفيض».

وأوضح: «أن مصر أصبحت بلد المليون مطعم، حيث يوجد كمية مطاعم مذهلة، ويتم افتتاح مطعم جديد يوميا، ومعنى وجود عدد كبير من المطاعم أن يكون هناك عدد كبير من الأصناف والأسعار».