نعمة من ربنا.. سامح حسين يرد علي انتقاده بسبب تصريح إلغاء الإجازات

رد الفنان سامح حسين علي الانتقادات التي وجهت له ، بعد حديثه عن ضرورة إلغاء الإجازات التي يحصل عليها المصريين . 

وقال سامح حسين عبر صفحته علي موقع فيسبوك :  جمهوري الحبيب .. كل سنة وانتم طيبين وبخير .. بناء على طلبكم .. والناس اللي طلبت تفسير لموضوع إني بطالب بإلغاء الأجازات في الأعياد .. الكلام ده طبعا غير حقيقي بالمرة .. أنا زيكم بحب الأجازة وبحب زيكم اشتغل بإخلاص زي كل واحد في مجاله .. الأجازة دي نعمة من ربنا نشحن من خلالها قوتنا لمواصلة مشوار الحياة.. كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها أجازة .. 

وتابع سامح حسين : لكني لم أقصد أبدا إلغاء الإجازات الرسمية .. وعلي فكرة إحنا بنحب الأجازة علشان بنشتغل .. أي حد جرب قلة الشغل مش هيحب الأجازة .. الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير .. يارب حياتكم تكون كلها أعياد وفرحة.