عمرو أديب: السوريون أحرار في اللي بيعملوه.. هو حد أتدخل في حياتك؟

أكد الإعلامي عمرو أديب أن السوريين أحرار في اختيار من يحكمهم، مشيرا إلى أن على الجميع احترام قراراتهم طالما لم يتدخلوا في شؤون الدول الأخرى.

وقال أديب خلال برنامج 'الحكاية' المذاع على قناة 'إم بي سي مصر': 'طول ما هما عايشين في حياتهم هما أحرار هل مصر ناقصها مشاكل وحاملة هم الشعب السوري؟ أنت شايف موقف معين أنت حر وهو حر وأنت إيه اللي يخصك؟ أنت عندك هنا لاجئون أو ضيوف حد منهم عملك مشاكل؟ الدولة خدت إجراء امبارح وأول امبارح مفيش سوريين يدخلوا تاني هي حرة'.

وأضاف: 'إنما هو قاعد مع الألمان أو الفرنسيين أو السعوديين هو بيمارس حياته بالطريقة اللي هو شايفها هما أحرار هو حد اتدخل في حياتك هنا؟ الناس اللي هناك دي تعمل اللي هي عايزاه وأظن أغلب الشعب السوري فوق الـ 18-21 سنة ياخد قراراته زي ما هو عايز'.

وتابع: 'هو بعد أسبوع أو أسبوعين خلاص يقوله راحت الثورة وجات الدولة فين العلاج فين الخبز فين التعليم فين الغاز، وكل واحد إلا يعني الناس اللي عندها بعض المروءة والإنسانية كل واحد عنده مصلحة'.

وتابع: 'التركي طبعا الألماني طبعا كل دول رايحين لمصالح يراعوها وكل دولة بتتحمل قرارها في دولة تقولك هنبقى نشوف بعدين ودولة تقول عايزين نبقى موجودين من الأول'.

وواصل: 'الآن جامعة الدول العربية مازالت تفكر هتعمل ايه مع سوريا، جامعة الدول العربية حتى الآن تفكر ثم تفكر ثم تفكر اللي كانوا بيرجعوا الكرسي لبشار الأسد هيروح مبعوث خاص من جامعة الدول العربية يشوف ويقول'.

واختتم: 'كل دولة من حقها تحدد طبيعة العلاقة مع سوريا وسوريا من حقها تحدد طبيعة علاقتها، وتيجي بعد شوية تقول والله أنا شايف الوقت المناسب إنما يا جماعة سيبوا الناس في حالها'.