اخبار مصر
موقع كل يوم -الرئيس نيوز
نشر بتاريخ: ٢٤ شباط ٢٠٢٥
كشفت راندا محمد إحدى ضحايا منصة 'FBC' تفاصيل تعرضها للنصب بعد أن وضعت 99 ألف جنيه في المنصة.
وقالت في مداخلة هاتفية مع برنامج 'صالة التحرير' المذاع على قناة 'صدى البلد': 'في شخص هنا من المنصورة قال على المنصة دي، وقال إن لها سجل تجاري وفاتحة فروع في القاهرة وأنها تابعة لشركة فيوتشر دريل، وقال إنها كويسة وأخدنا الثقة منه وهو اللي جابها عندنا في المنصورة'.
وأضافت: 'كنا بنعمل مهام على المنصة زي تثبيت البرامج والألعاب، اللي كان بيدخل بـ3600 جنيه ليه 10 مهام في اليوم واللي يدخل 11200 جنيه كان ليه 25 مهمة'.
وتابعت: 'إحنا بنمر كلنا بأزمة اقتصادية وبدأت أقول لإخواتي والأقارب والأصدقاء حواليا، أنا دفعت 11200 والأول كنت باخد 350 جنيهًا، وفي آخر أسبوع رفعوها إلى 490 جنيهًا في اليوم، الوضع كان ماشي وتمام وبعدين اللي بقى يزود، وفي ناس بدأت تجيب قروض وناس تسلف بالفوايد عشان تدخل'.
وأوضحت: 'أنا موجودة على المنصة من شهر 12 اللي فات، والشخص ده اتحايل عليا لحد ما وصلت إلى 8 خطوط وكل خط بقيمة 11200، وبعد كده في إجازة والإجازات الحكومية كانت بتتم عندهم إجازات'.
وأكملت: 'لما قرب رمضان نزلوا أننا نشتري حاجات رمضان مقابل 5 آلاف جنيه وبعدها 5 آلاف جنيه أرباح الشركة، والناس اشترت حاجة رمضان عشان تاخد الـ5 آلاف جنيه ورجعوا تاني عشان رمضان قالوا إنهم هيزودوا مبالغ تانية'.
وذكرت: 'أنا مجاش في بالي أن ده نصب لأن الشخص دا قالنا في فروع مفتوحة للشركة ولكن أنا مقابلتش الناس المسؤولة عن المنصة'.
واختتمت: 'أنا رحت مديرية الأمن بالفعل وكان في بعض الحاجات كانت ناقصة وأصحابي وإخواتي كانوا موجودين معايا'.
