مواصفات فتى أحلام مايان السيد

كشفت الفنانة مايان السيد عن مواصفات فتى أحلامها.

وخلال لقائها في برنامج 'أسرار النجوم' مع إنجي علي قالت مايان السيد: 'نفسي يبقى على طبيعته وحنين وواثق من نفسه في حلم عنده وحاجة بيحبها وبيحاول يحققها، يبقى بني آدم طيب بيتعامل مع البشر بشكل كويس ويبقى قريب من ربنا'.

وعن إمكانية ترك التمثيل إذا طلب منها حبيبها ذلك قالت مايان السيد: 'لو قالي أبطل تمثيل لا مينفعش لازم يحبني زي ما أنا وميغيرش فيا ولا تفصيله'.

وأكملت مايان السيد: 'عايزة أتجوز وأعمل أسرة ومظنش أنه هياخدني أوي من اللي أنا فيه لأني هختار حد حاببني في كدا بالعكس حساه هيضيف ليا ويخليني فنانة أعلى'.

وخلال اللقاء تحدثت مايان السيد عن انفصال والديها مؤخرا.

قالت مايان السيد: 'أعتقد أن ممكن الرجل والمرأة يبقوا أصحاب بعد الانفصال، والدي ووالدتي انفصلوا من قريب، وأتمنى أنهم يقدروا يوصلوا أنهم يبقوا أصحاب'.

من ناحية أخرى، يعرض لمايان السيد فيلم 'ولنا في الخيال ... حب؟'، تدور أحداث الفيلم في إطار يجمع بين التشويق والرومانسية والكوميديا حول أستاذ جامعي انطوائي يتجنب الانخراط في أي علاقات اجتماعية إلا في حدود ضيقة، إلى أن يجد نفسه في علاقة مليئة بالتناقضات تضعه أمام مأزق وصراع بين عقله وقلبه: فهل ينقاد وراء مشاعره غير المتوقعة، أم يقرر إنهاء العلاقة قبل أن تتعقّد؟

الفيلم من إنتاج ريد ستار لباهو بخش وصفي الدين محمود، وإخراج وتأليف سارة رزيق، وبطولة أحمد السعدني، ومايان السيد، وعمر رزيق، وعدد من الوجوه الجديدة منهم سيف حميدة، فريدة رجب، عفاف مصطفى، بالإضافة إلي ظهور خاص لعدد من صناع السينما والنجوم.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟