معرفش كان ماله.. عصام الحضري يقيم الشناوي

علق عصام الحضري، نجم الكرة المصرية السابق، على تراجع مستوى محمد الشناوي حارس النادي الأهلي خلال المباريات الماضية وآخرها مباراة بتروجيت في الدوري.

وقال عصام الحضري في تصريح تليفزيوني عبر شاشة “أون سبورت”: 'النادي الأهلي بيمر بأزمة الفترة الأخيرة على مستوى مختلف البطولات أفريقيا والدوري والسوبر الإفريقي، ودي أثرت على كافة لعيبة الأهلي مش بس الشناوي'.

وأضاف: 'معرفش سبب تراجع الشناوي، هل قلة تركيز ولا غير موفق ولا عشان الأهلي خرج من بطولة أفريقيا، بس مش ده مستوى الشناوي اللي نعرفه'.

وأكمل: “معرفش الشناوي في المباراة كان ماله، معرفش كان موجود ولا لأ، قراراته وتمركزاته ومش موفق في بعض الكرات”.

وأردف: “مش ده الشناوي اللي أعرفه أنا كـ عصام الحضري وعاصرته مكنش موفق في مباراة بتروجت”.

وفاز النادي الأهلي على نظيره بتروجت بنتيجة 3-2 في الجولة الثالثة من مرحلة الحسم لبطولة الدوري المصري الممتاز.