سيد العراقى: زعلانين ليه من السيجار والعربيات مش لازم المدرس يلبس بدلة مقطعة

كشف سيد العراقى، الملقب بـ وحش السناتر والدروس الخصوصية، فى أول حوار تليفزيوني، بعد انتهاء أسطورة دروس علم النفس عن حالته بعد معرفة إلغاء مادة علم النفس.

قال «العراقي» خلال لقائه مع الإعلامية نهال طايل ببرنامج «تفاصيل» المذاع على قناة صدى البلد 2:'كان من المواد اللي تم إلغائها 'علم النفس' أكيد زعلت بس الحمد لله أنا عندي فلوس ومدارس خاصة'.

وتابع : 'الحمد لله فى السراء والضراء القرار جرئ ولكنه سريع وجرئ يتحط تحتها 100 خط، أنا سمعت عن القرار يوم الثلاثاء ويوم الأربع وزير التربية والتعليم أعلن رسميا خلال المؤتمر'.

ورد مدرس علم النفس الشهير على انتقاده بسبب فيديوهاته المثيرة للجدل عبر السوشيال ميديا، قائلا: 'انتوا ليه زعلانين إنى بركب عربيات وبشرب سيجار، ليه مفهوم المدرس عندكم هو أستاذ حمام في فيلم ليلى مراد'، يكون لابس بدلة مقطعة، وشعره ومش مهندم في لبسه'.

وأردف: 'زى مافى طبيب ظروفه على قده في طبيب ربنا فاتح عليه، المدرسين كذلك الوضع كل واحد ليه ظروفه، عادى جدا يبقى عندى كذا عربية موديلات مختلفة ده فضل من ربنا عليا'.

وعن ذهابه للسنتر بموكب سيارات رد 'أنا شايف إن ده جزء من شغلى بوثقه على صفحتى على السوشيال ميديا اللى وعاوز أوثقه 'أنا أعمل اللى أنا عاوزه طالما من غير ضرر لأى شخص'.