عصام السيد: أحمد أمين قادر يتلون ويختلف فى كل الأدوار

أشاد المخرج المسرحي عصام السيد بالفنان أحمد أمين، وذلك عبر صفحته الشخصية علي موقع فيسبوك .

وقال المخرج عصام السيد: أنا بحب أحمد أمين مش بس عشان هو ممثل موهوب بزيادة، لكن لإنه قادر يتلون ويختلف سواء فى الادوار الكوميدى أو التراجيدى بنفس الجودة ، ومش بس عشان هو متعدد المواهب (تمثيل وكتابة وستاند أب وغناء وموسيقى) ومش بس عشان هو مجتهد قوى وبيتعب على شغله جدا ، ومش بس عشان هو متواضع و مش منفسن وإدى فرص كتير  وكان سبب فى ظهور نجوم ياما ، إنما كمان عشان هو جدع وصاحب صاحبه وبينسب الفضل لأهله حتى لو كان حاجة صغيرة قوى جنب موهبته الكبيرة قوى .. شكرا يا احمد انك ( فى الأصيل منه ) و ربنا يزيدك نجاح و تألق.

يجسد أحمد أمين خلال مسلسل النص شخصية 'عبد العزيز النُّص'، وهو نشال تائب عاش في ثلاثينيات القرن الماضي، يسعى إلى البحث عن مصدر رزق مشروع، إلا أن الأقدار تضعه في قلب صراعات سياسية وأحداث غامضة، ومع تصاعد الأحداث، يجد نفسه يتحول من مجرد نشال إلى بطل شعبي تتناقل الأجيال سيرته، ولكي تكتمل عصابته اختار 4 أفراد سيساعدونه فى تحقيق مبتغاه، وهم درويش (حمزة العيلي) ورسمية (أسماء أبو اليزيد) وزقزوق (عبد الرحمن محمد) وإسماعيل (ميشيل ميلاد).

مسلسل النص ينتمي إلى فئة الدراما التشويقية ذات الطابع الكوميدي، ويضم نخبة من الفنانين، من بينهم صدقي صخر، حمزة العيلي، أسماء أبو اليزيد، دنيا سامي، عبد الرحمن محمد، وسامية طرابلسي.

ويستند مسلسل النص إلى معالجة درامية مستوحاة من وقائع تاريخية، حيث يستلهم أحداثه من كتاب 'مذكرات نشال' للباحث التاريخي أيمن عثمان، وهو من تأليف شريف عبد الفتاح، عبد الرحمن جاويش، ووجيه صبري، ومن إنتاج شركة أروما والمنتج محمد جبيلي.