أميرة بدر تبكي على الهواء بسبب إنهاء طفـل لحياته نتيجة خلافات مع والده

كشفت أية، شقيقة الطفل المنتحر، تفاصيل سبب إنهائه لحياته بسبب خلافات مع والده، قائلة: “أنا عندي 19 سنة، ولا أدرس وخلصت 3 إعدادي فقط من أجل المصاريف، وأنا أعمل الأن مع محامية، وأنا بصرف وبجهز نفسي علشان عايشة بعيدا عن أبي وعايشة مع عمي الأن”.

وأضافت خلال مداخلة هاتفية ببرنامج “خلاصة الكلام” المذاع عبر فضائية “النهار”: “أخي إسلام المنتحر أبي كان شديدا عليه وكان بيضربه بيده والخرطوم والعصي، وفترة إنتحاره ضربه بالكرسي والشلاليت، وأمي منفصلة عن بابا ومانعنا عنها وبتسأل علينا، وهي أتجوزت تاني، وأنتحر لأنه حس أن الدنيا كلها جاية عليها وبسبب ضرب أبويا، وكل ما كان يضربه كان يقولي أنا زهقت يارب أموت، وكنت بقوله خلال سنتين يطلع بطاقة ويمشي”.

وتابعت: “نزل الشغل فى أجازة المدرسة علشان كان نفسه يجيب تليفون، ووالدي كان بياخد منه الفلوس ويشرب بيها خمر وبيرة، وأما شنق نفسه كنا كلنا موجودين، وبعد ما أتخانق معاه والدي دخل ينام، وأخي إسلام كان يبكي فى الحمام”.

ومن جانبها، بكت الإعلامية أميرة بدر، معقبة: “هناك رجال لا يجب إطلاق عليهم هذا اللقب، ومن يتعدي على طفل مثل هذا التعدي ميكونش راجل ويأذي كائن أضعف منه ويوجعه دا ولا أب ولا راجل ولا أى حاجة”.