سيد علي عن مدرب الأهلي: عيب أوي أن ده يقود الفريق

أكد الإعلامي سيد علي، أن الإسباني خوسيه ريبيرو المدير الفني للنادي الأهلي لا يستحق تولي منصبه، مشيرا إلى أن مستواه الفني أقل كثيرا من الفريق.

وقال “علي” في خلال برنامج 'حضرة المواطن' المذاع على قناة 'الحدث اليوم': 'أي حد قاعد بيتفرج على مباراة الأهلي ومودرن الحقيقة كان في حاله ذهول هو ده الفريق اللي فريق الاحلام الصفقات اللي في كذا اللي كذا اللي كاس العالم للأندية كلنا قاعدين مستنيين هو الأهلي هيكسب كام وان الاهلي كل ماتش هيعمل سكور قد ايه'.

وأضاف: 'الحقيقة إحنا شفنا مباراة ما فيش أي فرق ما بين الاهلي وما بين مودرن على العكس الولاد بتوع مودرن شباب هايلين متحكمين ماسكين الكورة بينقلوا كورة أنا عايز أقول لحضراتكم حاجه ملاحظه أنا إمبارح الميس باس اللي لاعيبة الأهلي بيعملوه واحنا بنلعب زمان في الأشبال صغيرين كان أول حاجة بنتعلمها الباص أن أنت تستقبل الكورة وأن أنت تباص الكورة'.

وتابع: 'أنا امبارح ما فيش ما فيش كوره اتبسط صح، وبالتالي الحقيقة الراجل المدرب الموجود وأنا قلت والناس زعلت مني، لأن أنا قريت تاريخه لما جه وأنا مش راجل بتاع رياضه ولا حاجة، يعني قلت عيب أن يبقى ده، هو اللي بيقود النادي الأهلي في البطولات'.

وأكمل: 'خلوا بالكم إحنا شفنا ده في أن مباريات كاس العالم للأندية الحقيقة يعني لا يعني أنا كل ما أشوف مثلا الفريق اللي موجود ده وافتكر مثلا هيدكوتي مثلا ولا الراجل الثاني جوزيه كان قادر يتعامل مع النجوم دي، ومبين لهم العين الحمراء وبيقدم لنا أداء'.

وواصل: 'الأهلي الحقيقة أخفق إخفاق مش في المباراة دي الاهلي أخفق عندما تعاقد مع الرجل ده نمره اثنين الحقيقة كمان أن يعني التناغم مش موجود وبعدين انت عندك بن شرقي وعندك إمام عاشور وعندك ناس كتيره جدا جدا'.

وذكر: 'أنت راجل بتبدا أول ماتش وانت عامل تغيير غير عادي لا الناس منسجمه مع بعض ولا أنت منسجم معاهم ولا في أي توافق الحقيقة وانت عندك أربعة قاعدين على الدكة من الخارج بيقبضوا بالدولار طب أنت جايبهم ليه؟ الحقيقة مباراة عجيبة جدا بس دي في أول الدوري انت خسران نقطتين الأمر اللي بيقول إن في شيء غلط وإحنا قلنا ده من أيام مباريات كاس العالم للأندية'.