شوبير يوجه رسالة للمسئولين بشأن مشاركة منتخب مصر في البطولة العربية

وجه الإعلامي أحمد شوبير وقائد منتخب مصر السابق رسالة للمسئولين بشأن مشاركة منتخب مصر الثاني في البطولة العربية.

وقال أحمد شوبير عبر تصريحات إذاعية نشرها عبر حسابه على موقع التواصل فيسبوك:'إحنا رايحين بالمنتخب التاني قولنا إيه بس الهدف من بدري أهو عشان ميحصلش مشاكل ، مدبسش فيا حلمي طلال ، انا عندي مدير منتخب كتبت احمد حسن كان موجود في القرعة امبارح ،وعصام الحضري مدرب حراس ،و ممدوح المحمدي المساعد وهيضم واحد كمان '.

واضاف :'قولوا الهدف ايه ؟ هل الهدف اكتشاف لعيبة ،هل الهدف المنافسة علي البطولة ، قولوللنا عشان في الآخر ميحصلش حاجه و الناس تقول سمعة الكورة المصرية عشان الدنيا تبقي سلسلة و متخسرش البطولة '.

وكان قد انتقد الإعلامي أحمد شوبير، على استمرار هاني سعيد المدير الرياضي لنادي بيراميدز، فى الهجوم وذلك بسبب عدم تأجيل مباراة سيراميكا فى بطولة الدوري المصري.

وقال شوبير خلال برنامجه الإذاعي:' هاني سعيد المدير الرياضي لنادي بيراميدز، خرج من تاني وهاجم الناس اللي عملوا معاه مداخلة بعد مباراة الفريق مع صن داونز'.

وتابع شوبير قائلاً:' أنا عايز أفهم حاجة هو احنا ' ملطشة ولا إيه'، حضرتك غلطت لما قفلت السكة فى وش مذيع  قناة' اون سبورتس'، هو بدل ما يعتذر بيقول إن القناة قاصدة'.