رسالة تامر حسني لجمهوره بعد حفل العلمين ... بستناها من السنة للسنة وشكرا للشامي وكريم أسامة

نشر الفنان تامر حسني صورا من حفله الأخير ضمن مهرجان العلمين 2025، وعلق عليها موجها رسالة إلى جمهوره والفنانين الذين شاركوه الحفل قال فيها:

حفلة بستناها من السنة للسنة قبلكم.

‎شكراً لكل الجماهير الغالية والجاليات العربية اللي شرفتني، وكل الحب والتقدير للنجم الغالي أوي على قلبي الشامي .. نورت مصريا حبيبي.

والفنان الموهوب أوي حبيب قلبي كريم أسامة اللي شرفني على المسرح، وشرفني في ألبوم لينا معاد.

كل الشكر للمتحدة، وتذكرتي منتهى الرقي في التنظيم، وفي كل شيء حقيقي تستحقوا كامل الاحترام والتقدير.

‎

يذكر أن تامر حسني أحيا مساء الجمعة 25 يوليو حفلا غنائيا ضمن فعاليات النسخة الثالث من مهرجان العلمين الجديدة، بمشاركة المطرب الشامي.

افتتح تامر حسني الحفل بميدلي من أشهر أغانيه، وسط تفاعل كبير من الجمهور، وقدم باقة كبيرة من الأغاني والاستعراضات المبهرة.

وكان تامر حسني أثار حيرة متابعيه خلال الساعات الأخيرة، وذلك بعد تعبيره عن استيائه من قيام نجم كبير بنشر بيانات تشير إلى تصدره تريند ألبومات الأغاني الجديدة مؤخرا، وتظهر احتلال ألبوم تامر حسني 'لينا ميعاد' المركز الرابع بعده.

ونشر تامر حسني عبر ستوري إنستجرام الخاص به رسالة قال فيها: 'مش غريبة شوية لما الفنان الكبير اللي بحبه وبقدره، ينزل صورتي عنده في الستورى بكذا طريقة ان أنا رقم 4!!؟ وهو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله. وبرضو ناس جمعتلي النتائج دي، بس منزلتهاش. عموما، هو ترتيب وبيتغير كل شوية، لينا ولزملائنا المطربين لما بينجحوا'.

وأضاف تامر حسني: 'الفكرة إن 'ألبوم لينا معاد' أنا تعبت فيه، والناس بتتكلم عنه بكل خير، وده الأهم، فمش محتاج أعمل كده. أنا لما كنت تقريبا 10 أيام رقم 1 في أسبوع نزول البوم 'لينا معاد'، زي ما انتو شايفين أهوه في الفيديو، اللي اضطريت أنزله، أغانيا في التريند أعلى وهو كان تحت. احتراما ليه ولمحبينه، منزلتش صورته وهي تحت، ولا نزلت أي خبر يقول إن ألبومي متصدر عليه. كنت بحتفل مع جمهوري دون المساس بصورة أو اسم أي فنان، احتراما لمجهوده. بس مش عارف ليه هو يعمل كده، لأنه أكبر من كده ومش محتاج يعمل، وعموما ألف مبروك'.