والدة آسر ياسين: جالي روماتويد لما قرر يترك الهندسة ويتجه للتمثيل (فيديو)

تحدثت منى الدغيدي، والدة الفنان آسر ياسين، عن مرضها بسبب قرار ابنها بترك مجال الهندسة والاتجاه إلى التمثيل.

وقالت والدة آسر ياسين، خلال لقائها ببرنامج «الستات مايعرفوش يكدبوا» على قناة cbc مع مها بهنسي، وإيمان عزالدين: «القرار ده سبب لي أزمة روماتويد، لأن أنا وزوجي كنا بنبذل مجهود كبير جدًا علشان نضمن مستقبل ولادنا في الهندسة، كأننا كنا بنجري عشان نوصل لشط الأمان، وآسر كان خلاص بقى مهندس، وفجأة قرر يبدأ شريط جديد في التمثيل».

وتابعت: «آسر كان بيمثل في مسرح الجامعة، والهندسة كانت مجال دراسته، ولما قرر يسيب الهندسة، كان خوفي عليه من المجهول هو اللي تعبني، لأن المجال ده ما كنتش عارفة هو هيعمل فيه إيه«.

واختتمت: «لكن الحمد لله، آسر أثبت نجاحه بشكل كبير جدًا وبقى نموذج مشرف على كل المستويات».

ومن المقرر أن يشارك الفنان آسر ياسين، في موسم مسلسلات رمضان 2025، بمسلسل «الحب كله» بالتعاون مع مي عز الدين.

مسلسل الحب كله، من تأليف وإخراج تامر محسن، وإنتاج شركة ميديا هب سعدي - جوهر، ويشارك في بطولته مجموعة كبيرة من النجوم آسر ياسين، ومي عز الدين، ودياب، وعايدة رياض، وأشرف عبد الباقي، وسما إبراهيم، وميس حمدان، وحازم سمير، وأحمد خالد صالح.