بعد الخروج من الكونفيدرالية.. أحمد موسى يوجه رسالة لإدارة الزمالك

علق الإعلامي أحمد موسى على خروج الزمالك من بطولة الكونفيدرالية الافريقية عقب الخسارة أمام ستيلينبوش الجنوب إفريقي في إياب ربع نهائي البطولة.

وقال موسى خلال برنامج 'على مسؤوليتي' المذاع على قناة 'صدى البلد': 'ماتش الزمالك في الكونفيدرالية خلص أمام بطل جنوب أفريقيا وخرج الزمالك من ربع النهائي، لا الزمالك ولا الأهلي ولا أي فريق في مصر يقف على لاعب'.

وأضاف: 'زيزو راح الأهلي ميروحش الأهلي يفضل في الزمالك يصنع الزمالك مليون زيزو الأهلي يمشي منه سين أو صاد يصنع مليون واحد مفيش اندية كبيرة تقف على لاعب'.

وتابع: 'اللي شفته النهاردة في الماتش مفيش روح بيلعب من غير جناح ومعندوش أجنحة والجزيري عايز حد يرفعله الكرة عشان يقدر يسجل مش لاقي'.

وواصل: 'النهاردة زيزو مكانه يلعب حتى لو راح الأهلي لأن لسه عقده مع نادي الزمالك مخلصش، الزمالك معندوش حاجة محلي خلال وكان بينتظر هذه البطولة الأفريقية طيب دلوقت أنت خرجت من موسم معندكش حاجة'.

وأكمل: 'امبارح زيرو في التدريب قالوله أمشي مشي زيزو خلال نشوف غيره والزمالك عنده رجال أعمال يقدروا يجيبوا أي لاعب وعنده ناشئين يقدر يصعد ايه النادي اللي يقف على لاعب يعني؟ الزمالك نادي كبير والنهاردة في حالة إحباط في الماتش ليه بتدمر الفريق بتاعك'.

واختتم: 'ليه عايزين تهدوا المعبد؟ حافظوا على ناديكم وأتمنى الكابتن حسين لبيب يخرج للجمهور يكلمهم متسيبوش الجمهور لا عارف هنا ولا هنا والجمهور بيقرأ ويتابع في وسائل التواصل الاجتماعي ولازم مجلس إدارة الزمالك يتحمل المسؤولية أمام الجماهير، هو الناس انتخبوكم ليه عشان في موقف زي كده تخرج وتكلم مع الرأي العام'.