اخبار مصر
موقع كل يوم -الرئيس نيوز
نشر بتاريخ: ٢ كانون الأول ٢٠٢٤
أكد الإعلامي أحمد موسى أن المجتمع الدولي يقف متفرجا على الإبادة الجماعية التي يقوم بها الاحتلال الصهيوني في قطاع غزة.
وقال موسى خلال برنامج 'على مسؤوليتي' المذاع على قناة 'صدى البلد': 'مجرم الحرب نتنياهو دخل يبيد في الشعب الفلسطيني 80% من البنية التحتية دمرت تماما لا يوجد مستشفيات ولا تعليم ولا الأونروا وحتى المساعدات مبيدخلوهاش'.
وأضاف: 'حاليا في وقف للمساعدات احنا مصر والدكتور بدر عبد العاطي وزير الخارجية قال كل يوم نقدر ندخل مئات الشاحنات ولكن مش هنفتح المعبر ولا نتعامل مع جيش الاحتلال ونفتح لما فلسطين تتولى إدارة معبر رفح'.
وتابع: 'المجتمع الدولي بيتفرج على غزة وبيتفرج على متاعب وآلام غزة والكيل بمكيالين والعالم عنيه اتغمت عما يجري في غزة أوكرانيا بيجروا ويدوها مليارات الدولارات سلاح ودعم مالي أوكرانيا بدأوا يقولوا احنا خلاص عندنا مساعدات كافية'.
وأوضح: 'دعم رهيب جدا لأوكرانيا وهنا في شعب يباد في غزة والعام بيتفرج والأمريكان بيدعموا الصهاينة والغرب بيدعموا الصهاينة ومحدش قادر يوقف مجرم الحرب نتنياهو عن تنفيذ المخطط الإجرامي اللي بيشتغل عليه'.
وأكمل: 'التهجير ومحاولات التهجير والإبادة والنهاردة بيعملوا محور نتساريم لفصل شمال وجنوب غزة وعملوا 15 نقطة عسكرية على المحور ودا معناه تكريس الانفصال بين شمال غزة وجنوب غزة'.
واختتم: 'المحور اتعمل فيه تحصينات 15 نقطة عسكرية وأزالوا 600 منزل في الحتة دي بس على يمين ويسار المحور عشان عمل عرض المحور ده 100 متر وعمل فيه نقاط تفتيش ومراقبة ودا معناه أنه هيفضل في هذا المكان ويعمل فصل بين شمال وجنوب غزة والصور الجوية بتحدد النقاط اللي اتحطت في هذا المحور'.
